{
Author: somadeva
Title: vetAlapaJcaviMzati
Text input: Elena Artesani
Supervisor: Paolo Magnone
Transliteration scheme: Harvard=Kyoto
Marking scheme: Tact/Wordcruncher
k = kathA
t = taraGga
z = zloka
/ = end of line
}




|k6|t13|z1
tataH gatvA punaH tasmAt prApya tam ziMzapA-taroH/
vetAlam prAgvat AdAya skandhe maunena bhU-patiH/
|k6|t13|z2
saH trivikramasenaH atra yAvat Agacchati drutam/
tAvat pathi saH vetAlaH bhUyaH api evam uvAca tam/
|k6|t13|z3
rAjan su-dhIH su-sattvaH ca bhavAn tena priyaH asi me/
ataH vinodinIm vacmi kathAm praznam ca me zRNu/
|k6|t13|z4
AsIt rAjA yazaHketuH iti khyAtaH mahI-tale/
tasya zobhAvatI nAma rAja-dhAnI abhavat purI/
|k6|t13|z5
tasyAm abhUt nagaryAm ca gaurI-Ayatanam uttamam/
tasya dakSiNataH ca AsIt gaurI-tIrtha-abhidham saraH/
|k6|t13|z6
tasya ASADha-caturdazyAm zuklAyAm prativatsaram/
yAtrAyAm snAtum eti sma nAnA-digbhyaH mahA-janaH/
|k6|t13|z7
ekadA ca tithau tasyAm snAtum atra Ayayau yuvA/
rajakaH dhavalaH nAma grAmAt brahmasthala-abhidhAt/
|k6|t13|z8
saH apazyat rajakasya atra tIrthe snAna-AgatAm sutAm/
kanyAm zuddhapaTa-Akhyasya nAmnA madanasundarIm/
|k6|t13|z9
indoH lAvaNya-hAriNyA tayA saH hRta-mAnasaH/
anviSya tat-nAma-kule kAma-ArtaH atha gRham yayau/
|k6|t13|z10
tatra anavasthitaH tiSThan nir-AhAraH tayA vinA/
pRSThaH mAtrA ArtayA tasyai tat zazaMsa manaH-gatam/
|k6|t13|z11
sA gatvA vimala-AkhyAya tat sva-bhartre nyavedayat/
saH api Agatya tathA avastham dRSTvA tam sutam abhyadhAt/
|k6|t13|z12
kim viSIdasi putra evam aduSprApye api vAJchite/
saH hi mat-yAcitaH zuddhapaTaH dAsyati te sutAm/
|k6|t13|z13
anyUnAH hi vayam tasmAt kulena arthena karmaNA/
tam vedmi aham saH mAm vetti tena etat me na duH-karam/
|k6|t13|z14
iti AzvAsya saH tam putram AhAra-Adau pravartya ca/
tat yuktaH vimalaH anye-dyuH yayau saH zuddhapaTa-Aspadam/
|k6|t13|z15
yayAce ca atra putrasya tasya arthe dhavalasya saH/
kanyAm tasmAt saH ca asmai tAm pratizuzrAva sa-Adaram/
|k6|t13|z16
lagnam nizcitya ca anye-dyuH tAm zuddhapaTaH sutAm/
dhavalAya dadau tasmai tulyAm madanasundarIm/
|k6|t13|z17
kRta-udvAhaH ca saH tayA sAkam darzana-saktayA/
bhAryayA sva-pituH geham jagAma dhavalaH kRtI/
|k6|t13|z18
sukha-sthitasya tasya atha kadAcit zvazura-Atma-jaH/
tasyAH madanasundaryAH bhrAtA tatra AgataH abhavat/
|k6|t13|z19
saH kRta-prazrayaH sarvaiH svasrA AzliSya abhinanditaH/
saMbandhi-pRSTa-kuzalaH vizrAntaH ca jagAda tAn/
|k6|t13|z20
aham madanasundaryAH jAmAtuH ca ni-mantraNe/
tAtena preSitaH yasmAt devI-pUjA-utsavaH asti naH/
|k6|t13|z21
zraddhAya ca etat tat-vAkyam yathA-arhaiH pAna-bhojanaiH/
te saMbandhi-AdayaH sarve tat ahaH tam upAcaran/
|k6|t13|z22
prAtaH madanasundaryA svazuryeNa ca tena saH/
sahitaH dhavalaH prAyAt gRham tat zvAzuram prati/
|k6|t13|z23
prApya zobhAvatIm tAm ca purIm Atma-tRtIyakaH/
dadarza nikaTam prApya saH gaurI-Ayatanam mahat/
|k6|t13|z24
nijagAda ca tau bhAryA-zvazuryau zraddhayA tataH/
etam etAm bhagavatIm pazyAmaH devatAm iha/
|k6|t13|z25
tat zrutvA saH zvazuryaH tam ni-Sedham pratyabhASA /
iyantaH rikta-hastAH kim pazyAmaH devatAm iti/
|k6|t13|z26
aham tAvat vrajAmi ekaH yuvAm atra eva tiSThatam/
iti uktvA dhavalaH draSTum devIm tAm saH tataH yayau/
|k6|t13|z27
pravizya Ayatanam tasyAH praNamya ca vibhAvya ca/
tAm aSTAdaza-doH-daNDa-khaNDita-uccaNDa-dAnavAm/
|k6|t13|z28
pAda-padma-tala-AkSipta-mahiSa-asura-mardinIm/
saH vidhi-preraNa-utpanna-buddhiH evam acintayat/
|k6|t13|z29
jIva-upahAraiH vividhaiH imAm devIm janaH arcati/
aham tu siddhyai kim na etAm prINAmi Atma-upahArataH/
|k6|t13|z30
iti dhyAtvA eva tat-garbha-gRhAt AdAya niH-janAt/
khaDgam sAMyAtrikaiH kaiH-cit devyAH prAk prAbhRtI-kRtam/
|k6|t13|z31
baddhvA ziraH-ruhaiH ghaNTA-zRGkhalAyAm nijam ziram/
ciccheda etena khaDgena tat chinnam ca apatat bhuvi/
|k6|t13|z32
ciram yAvat saH na AyAti tAvat gatvA tam IkSitum/
tatra eva devI-bhavane tat-zvazuryaH viveza saH/
|k6|t13|z33
saH api dRSTvA tam utkRtta-mUrdhAnam bhaginI-patim/
vyAmohitaH tathA eva svam ziraH tena asinA acchinat/
|k6|t13|z34
saH api yAvat ca na AyAti tAvat udbhrAnta-mAnasA/
tat-devI-bhavanam sA api yayau madanasundarI/
|k6|t13|z35
pravizya dRSTvA eva patim bhrAtaram ca tathA-gatau/
hA kim etat hata-Asmi iti vilapantI apatat bhuvi/
|k6|t13|z36
kSaNAt ca utthAya zocantI tau a-kANDa-hatau ubhau/
kim mama api adhunA anena jIvitena iti acintayat/
|k6|t13|z37
vyajijJapat ca devIm tAm deha-tyAga-unmukhI satI/
devi saubhAgya-cAritra-vidhAna-eka-adhidevate/
|k6|t13|z38
adhyAsita-zarIra-ardhe bhartuH mAra-ripoH api/
azeSa-lalanA-loka-zaraNye duHkha-hAriNi/
|k6|t13|z39
hRtau eka-pade kasmAt bhartA bhrAtA ca me tvayA/
na yuktam etat mayi te nitya-bhaktA hi aham tvayi/
|k6|t13|z40
tat me zritAyAH zaraNam zRNu ekam kRpaNam vacaH/
etAm tAvat tyajAmi atra daurbhAgya-upahatAm tanum/
|k6|t13|z41
janiSye devi bhUyaH tu yatra kutra api janmani/
tatra etau eva bhUyAstAm dvau bhartR-bhrAtarau mama/
|k6|t13|z42
iti saMstutya vijJapya devIm natvA ca tAm punaH/
pAzam viracayAmAsa latayA azoka-pAda-pe/
|k6|t13|z43
tatra arpayati yAvat ca pAze kaNTham vitatya sA/
tAvat tatra uccacAra evam bhAratI gagana-aGgaNAt/
|k6|t13|z44
mA kRthAH sAhasam putri bAlAyAH api te amunA/
sattva-utkarSeNa tuSTA asmi pAzam etam parityaja/
|k6|t13|z45
saMzleSaya ziraH svam svam bhartR-bhrAtR-kabandhayoH/
uttiSThatAm te jIvantau etau dvau api mat-varAt/
|k6|t13|z46
etat zrutvA eva saMtyajya pAzam harSAt upetya sA/
avibhAvya atirabhasAt bhrAntA madanasundarI/
|k6|t13|z47
bAlA bhartR-ziraH bhrAtR-dehena samayojayat/
bhartR-dehena ca bhrAtR-ziraH vidhi-niyogataH/
|k6|t13|z48
tataH akSata-aGgau jIvantau ubhau uttasthatuH ca tau/
ziraH-vinimayAt jAta-saMkarau kAyayoH mithaH/
|k6|t13|z49
atha anyonya-udita-sva-sva-yathA-vRttAnta-toSiNaH/
praNamya devIm zarvanIm yathA-iSTam te yayuH trayaH/
|k6|t13|z50
yAntI ca dRSTvA sva-kRtam ziraH-vinimayam tayoH/
vignA kim-kAryatA-mUDhA sA abhUt madanasundarI/
|k6|t13|z51
tat brUhi rAjan kaH bhartA tasyAH saMkIrNayoH tayoH/
purva-uktaH syAt saH zApaH te jAnAnaH na bravISi cet/
|k6|t13|z52
iti AkarNya kathA-praznam rAjA vetAlataH tataH/
saH trivikramasenaH atra tam evam pratyabhASata/
|k6|t13|z53
yat saMstham tat-pati-ziraH saH eSaH tasyAH patiH tayoH/ 
pradhAnam ca ziraH aGgeSu pratyabhijJA ca tat-gatA/
|k6|t13|z54
iti uktavataH nR-pateH tasya AMsAt punaH atarkitaH saH yayau/
vetAlaH saH ca rAjA jagAma bhuyaH tam Anetum/




|k7|t14|z1
tataH gatvA punaH prApya vetAlam ziMzapA-taroH/
saH trivikramasenaH tam skandhe jagrAha bhU-patiH/
|k7|t14|z2
gRhItvA prasthitam tam ca vetAlaH saH abravIt pathi/
rAjan zrama-vinoda-artham kathAm AkhyAmi te zRNu/
|k7|t14|z3
asti iha tAmraliptI iti purI pUrva-ambudheH taTe/
caNDasena-abhidhAnaH ca rAjA tasyAm abhUt puri/
|k7|t14|z4
parAG-mukhaH para-strISu yaH na saGgrAma-bhUmiSu/
hartA ca zatru-lakSmINAm na para-dravya-saMpadAm/
|k7|t14|z5
tasya ekadA dAkSiNAtyaH rAja-putraH jana-priyaH/
Ayayau sattvazIla-AkhyaH siMha-dvAre atra bhU-pateH/
|k7|t14|z6
tatra ca AtmAnam Avedya nairdhanya-Attam nR-pam prati/
kapaTam pATayAmAsa rAja-putraiH saha-aparaiH/
|k7|t14|z7
tataH kArpaTikaH bhUtvA bahUni abdAni tatra saH/
tasthau kurvan sadA sevAn na eva prApa phalam nR-pAt/
|k7|t14|z8
yadi rAja-anvaye janma niH-dhanatvam kim IdRzam/
niH-dhanatve api kim dhAtrA kRtA iyam me mahA-icchatA/
|k7|t14|z9
ayam hi sevamAnam mAm evam kliSTa-paricchadam/
ciram kSudhA-avasIdantam rAjA na adya api vIkSate/
|k7|t14|z10
iti yAvat ca saH dhyAyati atra kArpaTikaH tataH/
tAvat AkheTaka-artham saH niragAt ekadA nR-paH/
|k7|t14|z11
tasmin kArpaTike dhAvati agre laguDa-vAhini/
jagAma ca azva-pAdAta-yutaH saH atha mRga-aTavIm/
|k7|t14|z12
kRta-AkheTaH ca tatra ArAt mahAntam matta-sUkaram/
anudhAvan kSaNAt prApat atidUram vana-antaram/
|k7|t14|z13
tatra parNa-tRNa-channa-mArge hArita-sUkaraH/
zrAntaH mahA-vane saH atha rAjA dik-moham Ayayau/
|k7|t14|z14
ekaH kArpaTikaH ca atha saH tam vAta-azva-pRSThagam/
prAna-anapekSaH anuyayau padAtiH kSut-tRSA-arditaH/
|k7|t14|z15
tam ca dRSTvA tathA-bhUtam anvAyAtam saH bhU-patiH/
sa-sneham avadat kaccid vetsi mArgam yathA-Agatam/
|k7|t14|z16
tadA AkarNya aJjalim baddhvA saH tam kArpaTikaH abhyadhAt/
vedmi kim ca kSaNam tAvat iha vizrAmyatu prabhuH/
|k7|t14|z17
dyu-vadhU-mekhalA-madhya-maNiH eSaH hi saMprati/
dedIpyate sphurat-razmi-zikhA-jAlaH abjinI-patiH/
|k7|t14|z18
etat zrutvA saH rAjA tam sa-uparodham abhASata/
tarhi kva api iha pAnIyam bhavatA prekSyatAm iti/
|k7|t14|z19
tathA iti Aruhya saH tataH tuGgam kArpaTikaH tarum/
nadIm dRSTvA avaruhya atha nR-pam tatra ninAya tam/
|k7|t14|z20
tat vAham ca viparyAnI-kRtam kRta-vivartanam/
datta-ambu-zaSpa-kavalam vidadhe vigata-zramam/
|k7|t14|z21
kRta-snAnAya rAjJe ca pronmucya vasana-aJcalAt/
prakSAlya upAnayat tasmai hRdyAni AmalakAni saH/
|k7|t14|z22
etAni kutaH iti etam pRcchantam saH ca bhU-patim/
evam vyajijJapat jAnu-sthitaH sa-Amalaka-aJjaliH/
|k7|t14|z23
etat-vRttiH aham nityam vyatIta-daza-vatsaraH/
carAmi ArAdhayan devam anekAnta-muni-vratam/
|k7|t14|z24
tat zrutvA satya-nAmA tvam sattvazIlaH kim ucyate/
iti uktvA saH kRpA-AkrAntaH hrItaH ca acintayat nR-paH/
|k7|t14|z25
dhik nR-pAn kliSTam akliSTam ye bhRtyeSa na jAnate/
dhik ca tam parivAram yaH na jJApayati tAn tathA/
|k7|t14|z26
iti saMcintya jagrAha saH rAjA Amalaka-dvayam/
hastAt kArpaTikasya atha katham-cit anubadhnataH/
|k7|t14|z27
bhuktvA ca tat nipIya ambu vizazrAma atra saH kSaNam/
jagdha-Amalaka-saMpIta-jala-kArpaTika-anvitaH/
|k7|t14|z28
tataH sajjI-kRtam tena vAham kArpaTikena saH/
Aruhya agre-sare tasmin eva mArga-pradarzini/
|k7|t14|z29
pazcAt-bhAgam anArUDhe hayasya abhyarthite api alam/
yayau saH rAjA sva-pUrim pathi prApta-Atma-sainikaH/
|k7|t14|z30
tatra prakhyApya tat-bhaktim vasubhiH viSayaiH ca tam/
apUrayat kArpaTikam na ca amanyata niSkRtim/
|k7|t14|z31
tataH kRta-arthaH pArzve asya caNDasiMhasya bhU-pateH/
mukta-kArpaTika-AcAraH sattvazIlaH saH tasthivAn/
|k7|t14|z32
ekadA tena rAjJA ca saH siMhala-pateH sutAm/
yAcitum siMhala-dvIpam Atma-artham preSitaH abhavat/
|k7|t14|z33
tatra ap-dhi-vartmanA gacchan arcita-abhISTa-devataH/
Aruroha pravahaNam rAja-AdiSTaiH saha dvijaiH/
|k7|t14|z34
gate tasmin pravahaNe madhya-bhAgam azaGkitam/
uttasthau jala-dheH tasmAt dhvajaH janita-vismayaH/
|k7|t14|z35
abhram-liha-agraH su-mahAn jAmbUnada-vinirmitaH/
vicitra-varNa-vicalat-vaijayantI-virAjitaH/
|k7|t14|z36
tat-kAlam ca atra sahasA samunnamya ghana-AvalI/
bhRzam varSitum Arebhe vavau tIvraH ca mArutaH/
|k7|t14|z37
taiH varSa-vAtaiH saH balAt AkRSya AdhoranaiH iva/
Asajyata dhvaja-stambhe tasmin pravahaNa-dvipaH/
|k7|t14|z38
tAvat ca saH dhvajaH tasmin vAri-dhau vIci-viplute/
vahanena samam tena prAvartata nimajjitum/
|k7|t14|z39
tataH dvijAH te tatra-sthAH caNDasiMham sva-bhU-patim/
uddizya udghoSayAmAsuH a-bhrahmaNyam bhaya-AkulAH/
|k7|t14|z40
tat AkarNya asahiSNuH ca svAmi-bhakteH anudhvajam/
saH sattvazIlaH niH-triMza-hastaH baddha-uttarIyakaH/
|k7|t14|z41
AtmAnam akSipat tatra niH-apekSaH mahA-uda-dhau/
udadheH kAraNa-AzaGkI vIraH pratividhitsayA/
|k7|t14|z42
magne ca tasmin vAta-Urmi-dUra-utkSiptam abhajyata/
vahanam tat ca tat-stAH ca nipetuH yAdasAm mukhe/
|k7|t14|z43
saH ca magnaH ambu-dhau tatra sattvazIlaH nirIkSate/
yAvat tAvat dadarza atra purIm divyAm na vAri-dhim/
|k7|t14|z44
tasmin maNi-maya-sthambhaiH bhAsvare hema-mandire/
sat-ratna-baddha-sopAna-vApIka-udyAna-zobhini/
|k7|t14|z45
nAnA-maNi-zilA-bhitti-ratna-citra-ucchrita-dhvajam/
kAtyAyanI-deva-gRham meru-pronnatam aikSata/
|k7|t14|z46
tatra praNamya devIm tAm stutyA abhyarcya tat-agrataH/
indra-jAlam kim etat syAt iti AzcaryAd upAvizat/
|k7|t14|z47
tAvat ca devi-agra-gata-prabhA-maNDalaka-antarAt/
akasmAt niragAt kanyA divyA udghATya kavATakam/
|k7|t14|z48
indI vara-akSI phulla-ap-ja-vadanA kusuma-smitA/
mRNAla-nAla-mRdu-aGgI jaGgamA iva sarojinI/
|k7|t14|z49
strI-sahasra-parIvArA devI-garbha-gRham ca sA/
viveza sattvazIlasya hRdayam ca tataH samam/
|k7|t14|z50
niragAt kRta-pUjA ca devI-garbha-gRhAt tataH/
na punaH sattvazIlasya hRdayAt sA katham cana/
|k7|t14|z51
prAvizat sA ca tatra eva prabhA-maNDalaka-antare/
sattvazIlaH api asau tasyAH pazcAt tatra praviSTavAn/
|k7|t14|z52
pravizya ca dadarza antaH anyat eva uttamam puram/
saMketa-udyAnam iva yat sarvAsAm bhoga-saMpadAm/
|k7|t14|z53
tatra antaH-maNi-paryaGka-niSaNNAm tAm vilokya saH/
kanyAm upetya tat-pArzve sattvazIlaH upAvizat/
|k7|t14|z54
AsIt ca tat-mukha-Asakta-locanaH likhitaH yathA/
aGgaiH sa-utkampa-pulakaiH vadan AliGgana-utkatAm/
|k7|t14|z55
dRSTvA ca tam smara-AviSTam ceTInAm atra sA mukham/
adrAkSIt tAH ca tat-kAlam iGgita-jJAH tam abruvan/
|k7|t14|z56
atithiH tvam iha prAptaH tat asmat-svAminI-kRtam/
bhajasva Atithyam uttiSTha snAhi bhuGksva tataH param/
|k7|t14|z57
tat zrutvA saH avalambya AzAm khatam api utthitaH tataH/
yayau pradarzitAm tAbhiH ekAm udyAna-vApikAm/
|k7|t14|z58
tasyAm nimagnaH ca uttasthau tAmraliptyAm saH tat-kSaNAt/
caNDasiMha-nR-pa-udyAna-vApI-madhyAt sa-saMbhramaH/
|k7|t14|z59
tatra prAptam akasmAt ca vikSya AtmAnam acintayat/
aho kim etat kva udyAnam idam divyam kva tat puram/
|k7|t14|z60
tatra amRta-AsAra-samam kva tat tasyAH ca darzanam/
kva ca anantaram eva idam tat-vizleSa-mahA-viSam/
|k7|t14|z61
svapnaH ca na ayam su-spaSTaH vinidraH anubhavaH hi me/
dhruvam pAtAla-kanyAbhiH tAbhiH mUDhaH asmi vaJcitaH/
|k7|t14|z62
iti dhyAyan vinA tAm saH kanyAm unmAdavAn iva/
udyAne tatra babhrAma kAma-ArtaH vilalApa ca/
|k7|t14|z63
tat-avastham ca tam dRSTvA pizaGgaiH puSpa-reNubhiH/
vAta-uddhUtaiH parIta-aGgam viprayoga-analaiH iva/
|k7|t14|z64
udyAna-pAlAH gatvA eva caNDasiMha-mahI-bhRtam/
vyajijJapan saH ca udbhrAntaH svayam etya dadarza tam/
|k7|t14|z65
sAntvayitvA ca papraccha kim idam brUhi naH sakhe/
kva prasthitaH tvam kva prAptaH kva astaH kva patitaH zaraH/
|k7|t14|z66
tat zrutvA saH sva-vRtta-antam tasmai sarva zazaMsa tam/
sattvazIlaH nR-pataye saH api atha evam acintayat/
|k7|t14|z67
hanta vIraH api mat-puNyaiH kAmena eSaH viDambitaH/
AnRNyam gantum etasya labdhaH hi avasaraH mayA/
|k7|t14|z68
iti antaH cintayitvA saH vIraH rAjA jagAda tam/
tahri muJca mudhA zokam aham tvAm prApayAmi tAm/
|k7|t14|z69
nItvA tena eva mArgeNa priyAm asura-kanyakAm/
iti ca azvAsayAmAsa tam saH snAna-AdinA nR-paH/
|k7|t14|z70
anye-dyuH mantri-vinyasta-rAjyaH tena samam ca saH/
prAyAt pravahaNa-ArUDhaH tat-darzita-pathaH ambu-dhim/
|k7|t14|z71
prApya tat-madhya-bhAgam ca dRSTvA tam prAgvat utthitam/
sa-patAkam dhvajam sattvazIlaH tam nR-pam abhyadhAt/
|k7|t14|z72
saH ayam abhyutthitaH divya-prabhAvaH atra mahA-dhvajaH/
mayi magne atra maGktavyam devena etam anu dhvajam/
|k7|t14|z73
iti uktvA nikaTam prApya dhvajasya asya nimajjataH/
mArge saH sattvazIlaH asau pUrvam AtmAnam akSipat/
|k7|t14|z74
tataH rAjA api cikSepa tatra AtmAnam tathA eva saH/
antaH magnau ca tau kSipram tat divyam prApatuH puram/
|k7|t14|z75
tatra dRSTvA saH sa-AzcaryaH rAjA devIm praNamya tAm/
pArvatIm sattvazIlena sahitaH samupAvizat/
|k7|t14|z76
tAvat ca niragAt tatra sA sakhI-jana-saMgatA/
rUpinI iva prabhA kanyA prabhA-maNDalakAt tataH/
|k7|t14|z77
iyam sA su-mukhI iti ukte sattvazIlena tAm nR-paH/
dRSTvA yuktam abhiSvaGgam tasya tasyAm amanyata/
|k7|t14|z78
sA api tam vIkSya rAjAnam zubha-zArIra-lakSaNam/
puruSa-atizayaH a-pUrvaH kaH ayam syAt iti acintayat/
|k7|t14|z79
viveza ca ambikA-dhAma pUjAyai sA nR-paH api saH/
jagAma udyAnam AdAya sattvazIlam avajJayA/
|k7|t14|z80
kSaNAt ca kRta-pUjA sA niragAt daitya-kanyakA/
yAcitvA sat-pati-prAptim devyAH garbha-gRha-antarAt/
|k7|t14|z81
nirgatya sA jagAda ekAm sakhIm sakhi gaveSyatAm/
yaH asau iha mayA dRSTaH mahA-AtmA kva saH tiSThati/
|k7|t14|z82
Atithyam gRhyatAm etya prasAdaH kriyatAm tvayA/
iti ca eSaH arthyatAm pUjyaH pumAn kaH api uttamaH hi asau/
|k7|t14|z83
evam sakhI tayA uktA sA vicitya udyAna-vartine/
sva-svAminI-nidezam tam prahvA tasmai nyavedayat/
|k7|t14|z84
tat zrutvA saH nR-paH vIraH sa-avahelam uvAca tAm/
eSaiva Atithyam asmAkam anyat kim upayujyate/
|k7|t14|z85
etat zrutvA tayA gatvA sakhyA sA zrAvitA tadA/
mene mAnyam udAram tam sarvathA daitya-kanyakA/
|k7|t14|z86
tataH ca AkRSyamAnA iva dhairya-pAzena tena sA/
nR-peNa mAnuSa-ayogye api Atithye niH-spRhA-AtmanA/
|k7|t14|z87
pati-artham pArvatI-sevA-paripAka-samarpitam/
matvA tat svayam udyAnam viveza asura-putrikA/
|k7|t14|z88
vicitra-zakuna-AlApaiH vAta-aJcita-latA-bhujaiH/
vikIrNa-kusumaiH ArAt nandyamAnA iva pAda-paiH/
|k7|t14|z89
upagamya ca sA tatra yathAvat prazraya-AnatA/
Atithya-grahaNa-artham tam prArthayAmAsa pArthivam/
|k7|t14|z90
tataH saH sattvazIlam tam uddizya uvAca tAm nR-paH/
anena kathitAm devIm iha aham draSTum AgataH/
|k7|t14|z91
gaurIm dhvaja-patha-prApya-parama-adbhuta-ketanAm/
sA dRSTA tad-anu tvam ca kA anyA Atithya-arthitA atra naH/
|k7|t14|z92
tat zrutvA sA abravIt kanyA kautukAt tarhi vIkSitum/
AgamyatAm dvitIyam me puram tri-jagat-adbhutAm/
|k7|t14|z93
evam uktavatIm tAm ca saH vihasya nR-paH abravIt/
tat api anena eva uktam me yatra sA snAna-vApikA/
|k7|t14|z94
tataH sA kanyakA avAdIt deva mA sma evam Adiza/
na viDambana-zIlA aham kA vA pUjye viDambanA/
|k7|t14|z95
aham hi sattva-utkarSeNa yuSmAkam kim-karI-kRtA/ 
tanmama prArthanA-bhaGgam na eva evam kartum arhatha/
|k7|t14|z96
etat zrutvA tathA iti uktvA sattvazIla-sakhaH saH tat/
prabhA-maNDalaka-upAntam yayau rAjA tayA saha/
|k7|t14|z97
apAvRta-kavATe ca tasmin antaH tathA eva saH/
pravezitaH dadarza asyAH tat divyam aparam puram/
|k7|t14|z98
nitya saMnaddha-sarva-Rtu sadA-puSpa-phala-drumam/
meru-pRSTham iva azeSam nirmitam ratna-kAJcanaiH/
|k7|t14|z99
ratna-Asane mahA-arhe tam rAjAnam upavezya sA/
yathA-ucita upanIta-arghyA daitya-rAja-sutA abravIt/
|k7|t14|z100
kanyA aham asura-indrasya kAlanemeH mahA-AtmanaH/
cakrAyudhena ca saH me svaH-gatim prApitaH pitA/
|k7|t14|z101
vizvakarma-kRtam ca idam paitRkam me pura-dvayam/
na jarA atra na mRtyuH ca bAdhate sarva-kAma-de/
|k7|t14|z102
idAnIm ca pitA tvam me sa-purA aham vaze tava/
iti arpita-Atma-sarva-svAm tAm uvAca saH bhU-patiH/
|k7|t14|z103
yadi evam tat sute hi asmai mayA dattA asi anindite/
sattvazIlAya vIrAya su-hRde bAndhavAya ca/
|k7|t14|z104
evam devI-prasAdena mUrtena iva nR-peNa sA/
uktA guNa-jJA vinatA tat tathA iti anvamanyata/
|k7|t14|z105
tataH kRta-artham tam tasyAH kRta-pANi-graham nR-paH/
datta-asura-pura-aizvaryam sattvazIlam uvAca saH/
|k7|t14|z106
buktayoH AmalakayoH tayoH ekam mayA tava/
saMzodhitam asaMzuddhAd RNI te aham dvitIyataH/
|k7|t14|z107
iti praNatam uktvA tam daitya-putrIm jagAda tAm/
mArgaH me darzyatAm yena sva-purIm prApnuyAm iti/
|k7|t14|z108
tataH aparAjitam nAma khaDgam bhakSyam phalam ca sA/
ekam jarA-mRtyu-haram tasmai daitya-sutA dadau/
|k7|t14|z109
tAbhyAm yuktaH tayA uktAyAm vApyam magnaH sva-dezataH/
utthAya sarva-saMsiddha-kAmaH abhUt saH kramAt nR-paH/
|k7|t14|z110
sattvazIlaH api daitya-strI-pura-rAjyam zazAsa saH/
tat brUhi kaH ap-dhi-patane dvayoH sattva-adhikaH anayoH/
|k7|t14|z111
iti zrutvA tathA praznam vetAlAt zapa-bhItitaH/
saH trivikramasenaH tam bhU-patiH pratyabhASata/
|k7|t14|z112
etayoH sattvazIlaH atra saH me sattva-adhikaH mataH/
saH hi avijJAta-tattva-arthaH nir-AsthaH patitaH ambu-dhau/
|k7|t14|z113
rAjA tu tattvam vijJAya viveza ambhaH-dhim AsthayA/
daitya-kanyAm ca na avaJchat asAdhyA spRhayA iti saH/
|k7|t14|z114
iti tasya AkarNya vacaH nirasta-maunasya bhU-pateH skandhAt/
saH jagAma pUrvavat tam vetAlaH ziMzapA-tarum sva-padam/
|k7|t14|z115
rAjA api tathA eva saH tam punaH api Anetum anujagAma javAt/
prArabdhe hi asamApte kArye zithilI-bhavanti kim su-dhiyaH/




|k8|t15|z1
gatvA tAm ziMzapAm bhUyaH vetAlam prApya bhUmi-paH/
tam trivikramasenaH atra skandhe kRtvA uccacAla saH/
|k8|t15|z2
prayAntam saH punaH tam ca vetAlaH skandhataH abravIt/
zrama-vismRtaye rAjan mattaH praznam imam zRNu/
|k8|t15|z3
aGga-deze agra-hAraH asti mahAn vRkSaghaTa-abhidhaH/
viSNusvAmI iti tatra AsIt dvi-jaH yajvA mahA-dhanaH/
|k8|t15|z4
tasya ca sva-anurUpAyAm patnyAm jAtAH kramAt trayaH/
babhUvuH taruNAH putrAH divya-vaidagdhya-zAlinaH/
|k8|t15|z5
te pitrA preSitAH tena kUrma-hetoH kadA-cana/
prArabdha-yajJena yayuH te trayaH bhrAtaraH ambu-dhim/
|k8|t15|z6
prApya kUrmam tataH jyAyAn kaniSThau tau abhASata/
gRhNAtu yuvayoH ekaH kUrmam kratu-kRte pituH/
|k8|t15|z7
aham etam na zaknomi grahItum visra-picchalam/
iti uktavantam tam jyeSTham kaniSThau tau avocatAm/
|k8|t15|z8
tava atra vicikitsA cet na AvayoH api sA katham/
tat zrutvA saH abravIt jyeSThaH gRhNItam gacchatam yuvAm/
|k8|t15|z9
pituH yajJa-kriyA-lopaH bhavet yuSmat-kRtaH anyathA/
tataH naraka-pAtaH syAt yuvayoH tasya ca dhruvam/
|k8|t15|z10
iti uktau anujau tena tau vihasya tam UcatuH/
dharmam vetsi AvayoH eva samAnam api na AtmanaH/
|k8|t15|z11
tataH jyeSThaH abravIt kim me jAnIthaH na eva caGgatAm/
aham bhojana-caGgaH asmi na arhaH spraSTum jugupsitam/
|k8|t15|z12
etat tasya vacaH zrutvA bhrAtaram madhyamaH abravIt/
aham tarhi adhikaH caGgaH nArI-caGgaH vicakSaNaH/
|k8|t15|z13
madhyamena evam ukte tu jyAyAn punaH uvAca saH/
kUrmam gRhNAtu tarhi eSaH kanIyAn AvayoH iti/
|k8|t15|z14
tataH saH bhru-kuTim kRtvA kanIyAn api uvAca tau/
he mUrkhau tUlikA-caGgaH caGgaH aham hi vizeSataH/
|k8|t15|z15
evam te kalaha-AsaktAH trayaH api bhrAtaraH mithaH/
nirNayAya abhimAna eka-grastAH kUrmam vihAya tam/
|k8|t15|z16
rAjJaH prasenajit-nAmnaH tat-pradeza-bhuvaH antikam/
nagaram sahasA jagmuH viTaGkapura-nAmakam/
|k8|t15|z17
tatra pratIhAra-mukhena Avedya antaH pravizya ca/
nR-pam vijJApayAmAsuH sva-vRtta-antam tathA eva te/
|k8|t15|z18
tiSThata iha eva yAvat vaH parIkSiSye kramAt aham/
iti uktaH tena rAjJA ca tasthuH tatra tathA iti te/
|k8|t15|z19
sva-AhAra-kAle ca AnAyya tebhyaH saH agra-Asanam nR-paH/
rAja-arham dApayAmAsa SaD-rasam svAdu-bhojanam/
|k8|t15|z20
bhuJjAneSu ca sarveSu tadA ekaH bubhuje na saH/
vipraH bhojana-caGgaH atra jugupsA-kUNita-AnanaH/
|k8|t15|z21
katham na bhojanam bhuGkte brahman svAdu su-gandhi api/
iti rajJA svayam pRSTaH zanaiH vipraH jagAda saH/
|k8|t15|z22
zava-dhUma-duH-AmodaH zAli-bhakte atra vidyate/
tena na aham idam bhoktum utsahe svAdu api prabho/
|k8|t15|z23
iti ukte tena sarve api tatra AghrAya nR-pa-AjJayA/
UcuH kalama-zAli-annam adoSam tat su-gandhi ca/
|k8|t15|z24
saH tu bhojana-caGgaH tat na AznAt pihita-nAsikaH/
tataH saH rAjA saMcintya yAvat anviSyati kramAt/
|k8|t15|z25
tAvat niyogi-janataH tat annam bubudhe tathA/
grAma-zmazAna-nikaTa-kSetra-saMbhava-zAli-jam/
|k8|t15|z26
tataH ativismitaH tuSTaH saH rAjA tam abhASata/
satyam bhojana-caGgaH tvam tad-anyadbhujyatAm iti/
|k8|t15|z27
kRta-AhAraH ca saH nR-paH viprAn vAsa-gRheSu tAn/
visRjya-AnAyayAmAsa svam ekAm gaNikA-uttamAm/
|k8|t15|z28
tAm ca tasmai dvitIyasmai prAhiNot kRta-maNDanAm/
viprAya nAri-caGgAya sAyam sarva-aGga-sundarIm/
|k8|t15|z29
sA ca vAsa-gRham tasya rAja-bhRtya-anvitA yayau/
rAkA-nizA iva purNa-indu-mukhI kamdarpa-dIpinI/
|k8|t15|z30
praviSTAyAm ca tasyAm saH prabhA-bhAsita-vezmani/
utpanna-mUrcchaH saMruddha-nAsA-agraH vAma-pANinA/
|k8|t15|z31
nArI-caGgaH abravIt rAja-bhRtyAn niSkAsyatAm iti/
na cet mRtaH aham niryAti gandhaH asyAH chAgalaH yataH/
|k8|t15|z32
iti uktAH tena ninyuH te vignAm tAm rAja-pUruSAH/
rAjJaH antikam vAra-vadhUm vRtta-antam jagaduH ca tam/
|k8|t15|z33
rAjA api AnAyya tat-kAlam nArI-caGgam uvAca tam/
yA iyam zrI-khaNDa-karpUra-kAla-a-guru-mada-uttamaiH/ 
|k8|t15|z34
kRta-prasAdhanA dikSu prasarat-cAru-saurabhA/
tasyAH vAra-vilAsinyA gandhaH syAt chAgalaH kutaH/
|k8|t15|z35
iti uktaH api saH rAjJA tat nArI-caGgaH tadA na yat/
pratipede tadA rAjA vicAra-patitaH abhavat/
|k8|t15|z36
pRcchan ca yuktyA bubudhe tAm aja-kSIra-vardhitAm/
tat-mukhAt eva bAlatve mAtR-dhAtrI-viyogataH/
|k8|t15|z37
tataH ativismitaH tasya nArI-caGgasya caGgatAm/
prazaMsan nR-patiH tasmai tRtIyAya dvi-janmane/
|k8|t15|z38
tat-rasAt tUlikA-caGgAya Azu zayyAm adApayat/
paryaGka-upari vinyasta-sapta-saMkhyAka-tUlikAm/
|k8|t15|z39
tasyAm ca tUlikA-caGgaH mahA-arhe vAsa-vesmani/
suSvApa dhauta-su-zlakSNa-paTa-pracchada-vAsasi/
|k8|t15|z40
yAma-ardhe eva ca gate saH rAtrau zayanAt tataH/
uttasthau pANi-avaSTabdha-pArzvaH krandan vyathA-arditaH/
|k8|t15|z41
dadRze tasya pArzve ca tatra tyaiH rAja-pUruSaiH/
gADha-lagnasya bAlasya mudrA iva kuTila-aruNA/
|k8|t15|z42
gatvA ca taiH tadA AkhyAtam rAjJe rAjA api uvAca tAn/
tUlikAnAm tale kim-cit mA syAt tat vIkSyatAm iti/
|k8|t15|z43
gatvA IKSante ca te yAvat eka-ekam tUlikA-talam/
tAvat sarva-talAd Apur vAlam paryaGka-pRSTataH/
|k8|t15|z44
nItvA ca adarzayan rAjJe saH api AnItasya vIkSya tat/
tat-rUpam tUlikA-caGgasya aGgam rAjA visismiye/
|k8|t15|z45
saptabhyaH tUlikAbhyaH asya vAlaH lagnaH tanau khatam/
iti citrIyamANaH tAm rAjA rAtrim ninAya saH/
|k8|t15|z46
prAtaH ca adbhuta-vaidagdhya-saukumAryAH amI iti/
tebhyaH tribhyaH api caGgebhyaH hema-lakSa-trayam dadau/
|k8|t15|z47
tataH te sukhitAH tatra tasthuH vismRta-kacchapAH/
pituH vighnita-yajJa-artha-phala-upArjita-pAtakAH/
|k8|t15|z48
iti AkhyAya kathA-adbhutam aMsa-niSaNNaH punaH saH vetAlaH/
papraccha tam trivikramasenam pRthvI-patim praznam/
|k8|t15|z49
rAjan vicintya zApam pUrva uktam brUhi me tvam eteSAm/
bhojana-nArI-zayyA-caGgAnAm kaH adhikaH caGgaH/
|k8|t15|z50
tat zrutvA eva saH dhImAn vetAlam pratyuvAca tam nR-patiH/
aham eSAm niH-kaitavam adhikam jAnAmi tUlikA-caGgam/
|k8|t15|z51
yasya aGge pratyakSam vAla-pratibimbam udgatam dRSTam/
itarAbhyAm hi bhavet tat pUrvam jAtu anyataH avagatam/
|k8|t15|z52
iti tasya uktavataH aMsAt vetAlaH bhU-pateH yayau prAgvat/
saH api tathA eva ca rAjA tam anvaya AsIt anirviNNaH/




|k9|t16|z1
tataH gatvA punaH tasmAt ziMzapA-pAda-pAt nR-paH/
saH trivikramasenaH tam skandhe vetAlam agrahIt/
|k9|t16|z2
prasthitaH ca tataH tena vetAlena abhyadhAyi saH/
rAjan kva rAjyam kva etasmin zmazAne bhramaNam nizi/
|k9|t16|z3
kim etat na IkSase bhUta-saMkulam rAtri-bhISaNam/
citA-dhUmaiH iva dhvAntaiH niruddham pitR-kAnanam/
|k9|t16|z4
kaSTam kIdRk grahaH ayam te bhikSoH tasya anurodhataH/
tat idam zRNu tAvat me praznam mArga-vinodanam/
|k9|t16|z5
avantiSu asti nagarI yuga-Adau deva-nirmitA/
zaivI tanuH iva uddAma-bhogi-bhUti-vibhUSitA/
|k9|t16|z6
padmAvatI bhogavatI yA hiraNyavatI iti ca/
kRta-AdiSu triSu khyAtA kalau ujjayinI iti ca/
|k9|t16|z7
tasyAm ca vIradeva-AkhyaH rAjA abhUt bhU-bhRtAm varaH/
tasya padmaratiH nAma mahA-devI babhUva ca/
|k9|t16|z8
saH atha rAjA tayA sAkam gatvA mandAkinI-taTe/
haram ArAdhayAmAsa tapasA putra-kAmyayA/
|k9|t16|z9
ciram tapaH-sthitaH ca atra parituSTa-Izvara-uditAm/
kRta-snAna-arcana-vidhiH zuzrAva imAm giram divaH/
|k9|t16|z10
rAjan utpatsyate putraH zUraH tava kula-udbhavaH/
KanyA ca an-anya-sAmAnya-lAvaNya-nyak-kRta-apsarAH/
|k9|t16|z11
zrutvA etAm nAbhasIm vANIm siddha-abhISTaH saH bhU-patiH/
vIradevaH sva-nagarIm Ayayau mahiSI-sakhaH/
|k9|t16|z12
tatra asya zUradeva-Akhye jAte prathamam Atma-je/
tasyAm padmaratau devyAm kramAt ajani kanyakA/
|k9|t16|z13
anaGgasya api rUpeNa ratim utpAdayet iyam/
iti anaGgaratiH nAmnA pitrA tena vyadhAyi sA/
|k9|t16|z14
vRddhim gatAyAH tasyAH ca saH pitA sadRzam varam/
prepsuH AnAyayat pRthvyAm paTeSu likhithAn nR-pAn/
|k9|t16|z15
teSu ekaH api na yat tasya tat-tulyaH pratyabhAsata/
tena rAjA saH vAtsalyAt tAm sutAm pratyabhASata/
|k9|t16|z16
aham tAvat na pazyAmi sadRzam putri te varam/
tat kuruSva nR-pAn sarvAn melayitvA svayam-varam/
|k9|t16|z17
etat pitR-vacaH zrutvA rAja-putrI jagAda sA/
tAta svayam-varam kartum hrepaNAt na aham utsahe/
|k9|t16|z18
kim tu ekam vetti yaH a-pUrvam vijJAnam svAkRtiH yuvA/
tasmai tvayA aham dAtavyA na arthaH anyena adhikena me/
|k9|t16|z19
iti anaGgarateH tasyAH zrutvA sva-duhituH vacaH/
tAdRzam tat-varam yAvat anviSyati saH bhU-patiH/
|k9|t16|z20
tAvat tat-lokataH buddhvA catvAraH tam upAyayuH/
vIrAH vijJAninaH bhavyAH puruSAH dakSiNA-pathAt/
|k9|t16|z21
te rAjJA pUjitAH tasmai svam svam vijJAnam ekazaH/
zazaMsuH saMnidhau tasyAH rAja-putryAH tat-arthinaH/
|k9|t16|z22
ekaH jagAda zUdraH aham AkhyayA paJcapaTTikaH/
paJca-agrya-vastra-yugmAni karomi ekaH aham anvaham/
|k9|t16|z23
tebhyaH ekam prayacchAmi devAya ekam dvijanmane/
ekam ca parigRhNAmi vAsasoH AtmanaH kRte/
|k9|t16|z24
ekam dadAmi bhAryAyai yadi sA bhavati iha me/
ekam vikrIya ca AhAra-pAna-Adi vidadhAmi aham/
|k9|t16|z25
evam vijJanine anaGgaratiH me dIyatAm iti/
iti ekena udite tena dvitIyaH puruSaH abravIt/
|k9|t16|z26
bhASAjJaH nAma vaizyaH aham sarveSAm mRga-pakSiNAm/
rutam vedmi tat eSA me rAja-putrI pradIyatAm/
|k9|t16|z27
evam ukte dvitIyena tRtIyaH proktavAn tataH/
aham khaDgadharaH nAma doH-zAlI kSatriyaH nR-pa/
|k9|t16|z28
na khaDga-vidyA-vijJAne pratimallaH asti me kSitau/
tat eSA tanayA rAjan tvayA mahyam vitIryatAm/
|k9|t16|z29
iti ukte tu tRtIyena caturthaH idam abhyadhAt/
vipraH aham jIvadatta-AkhyaH vijJAnam ca mama IdRzam/
|k9|t16|z30
jantUm mRtAn api AnIya darzayAmi Azu jIvataH/
tat-vIra-caryA-siddham mAm patim eSA prapadyatAm/
|k9|t16|z31
evam vaktqn saH tAn pazyan divya-veSa-AkRtIn nR-paH/
vIradevaH sutA-yuktaH dolA-ArUDhaH iva abhavat/
|k9|t16|z32
iti AkhyAya kathAm etAm vetAlaH pRSTavAn nR-pam/
saH trivikramasenam tam datta-pUrva-ukta-zApa-bhIH/
|k9|t16|z33
tat bhavAn vaktu tAvat me kasmai deyA vizAm-pate/
teSAm caturNAm madhyAt sA kanyA anaGgaratiH bhavet/
|k9|t16|z34
etat zrutvA saH rAjA tam vetAlam pratyabhASata/
maunam tyAjayati prAyaH kAla-kSepAya mAm bhavAn/
|k9|t16|z35
anyathA gahanaH kaH ayam praznaH yoga-Izvara ucyatAm/
zUdrAya hi kuvindAya kSatriyA dIyate katham/
|k9|t16|z36
vaizyAya api katham deyA kSatriyA yat ca tat gatam/
mRga-Adi-bhASA-vijJAnam kArye tat kva upayujyate/
|k9|t16|z37
yaH api vipraH tRtIyaH atra tena api patitena kim/
sva-karma-pracyutena indra-jAlinA vIra-mAninA/
|k9|t16|z38
tasmAt tasmai kSatriyAya caturthAya samAya sA/
deyA khaDgadharAya eva sva-vidyA-vIrya-zAline/
|k9|t16|z39
etat tasya vacaH nizamya nR-pateH aMsa-sthalAt pUrvavat 
vetAlaH saH jagAma yoga-balataH sva-sthAnam eva Azu tat/
bhU-pAlaH api saH tam tathA eva punaH api Anetum anvak yayau
utsAha-eka-ghane hi vIra-hRdaye na Apnoti khedaH antaram/




|k10|t17|z1
saH trivikramasenaH atha gatvA tam ziMzapA-taroH/
rAjA jagrAha vetAlam punaH aMse cacAla ca/
|k10|t17|z2
prayAntam ca tam Aha sma vetAlaH saH aMsa-pRSTha-gaH/
zrAntaH asi rAjan tat imAm zRNu zrama-harAm kathAm/
|k10|t17|z3
abhUt sakala-bhU-pAla-mastaka-nyasta-zAsanaH/
vIrabAhuH iti khyAtaH nAmnA pArthiva-sattamaH/
|k10|t17|z4
tasya anaGgapuram nAma babhUva nagara-uttamam/
tatra AsIt arthadatta-AkhyaH sArtha-vAhaH mahA-dhanaH/
|k10|t17|z5
tasya AsIt dhanadatta-Akhya-jyeSTha-putra-kanIyasI/
sutA madanasenA iti kanyA-ratnam vaNik-pateH/
|k10|t17|z6
tAm ekadA nija-udyAne krIDantIm sa-sakhI-janAm/
dadarza dharmadatta-AkhyaH bhrAtR-mitram vaNik-sutaH/
|k10|t17|z7
saH tAm Alokya lAvaNya-rasa-niH-bhara-niH-jharAm/
AlakSya kuca-kumbha-agrAm vali-traya-taraGgitAm/
|k10|t17|z8
yauvana-dviradasya iva krIDA-majjana-vApikAm/
sadyaH abhUt smara-bANa-ogha-saMtApa-hRta-cetanaH/
|k10|t17|z9
aho dhArA-adhirUDhena rUpeNa dyotitA amunA/
iyam me mAnasam bhettum bhallI mAreNa nirmitA/
|k10|t17|z10
iti Adi yAvat dhyAyan saH nirvarNayati tAm ciram/
tAvat tasya aticakrAma cakrAhvasya iva vAsaraH/
|k10|t17|z11
tataH madanasenA sA viveza sva-gRha-antaram/
cittam ca dharmadattasya tat-anAlokana-vyathA/
|k10|t17|z12
tat-a-darzana-duHkha-agni-saMtApena iva ca jvalan/
lohitaH nipapAta Azu bhAsvAn api apara-ambudhau/
|k10|t17|z13
tAm vijJAya eva su-mukhIm naktam abhyantare gatAm/
udiyAya zanaiH candraH tat-mukha-abja-vinirjitaH/
|k10|t17|z14
tAvat gatvA gRham tAm saH dharmadattaH anucintayan/
tasthau nipatya zayane candra-pAda-AhataH luThan/
|k10|t17|z15
yatnena pRcchyamAnaH api sakhibhiH bandhubhiH tathA/
na kimcit kathayAmAsa smara-graha-vimohitaH/
|k10|t17|z16
nizi kRcchrAt ca saMprApta-nidraH svapne tathA eva tAm/
pazyan anunayan kAntAm kim kim cakre na sotsukaH/
|k10|t17|z17
prAtaH prabuddhaH gatvA ca dadarza ekAkinIm rahaH/
sakhIm pratIkSamAnAm tAm tatra udyAna-sthitAm punaH/
|k10|t17|z18
upetya ca pariSvaGga-lAlasaH prema-pezalaiH/
tAm upacchandayAmAsa vacobhiH caraNa-AnataH/
|k10|t17|z19
kanyA aham paradArAH ca na tava asmi iha saMpratam/
pitrA samudradattAya dattA aham vaNije yataH/
|k10|t17|z20
dinaiH katipayaiH eva vivAhaH bhavitA ca me/
tat gaccha tUSNIm mA kazcit pazyet doSaH bhavet tataH/
|k10|t17|z21
iti uktaH saH tayA ati artham dharmadattaH jagAda tAm/
yat astu me na jIveyam vinA hi bhavatIm aham/
|k10|t17|z22
tat zrutvA sA vANik-kanyA balAt-kAra-bhaya-AkulA/
tam uvAca vivAhaH me tAvat saMpadyatAm iha/
|k10|t17|z23
kanyA-dAna-phalam tAtaH prApnotu cira-kAGkSitam/
tataH aham tvAm upaiSyAmi niH-citam praNaya-arjitA/
|k10|t17|z24
zrutvA etat saH abravIt na iSTA hi anya-pUrvA mama priyA/
para-bhukte hi kamale kim aleH jAyate ratiH/
|k10|t17|z25
iti uktA tena sA avAdIt kRta-udvAhA eva tarhi aham/
pUrvam tvAm upayAsyAmi tataH abhyeSyAmi tam patim/
|k10|t17|z26
evam uktavatIm tasmin na ujjhati pratyayam vinA/
vaNik-putre sa-zapatham satya-vAcam babandha sA/
|k10|t17|z27
tataH tena ujjhatA vignA sA viveza sva-mandiram/
prApte ca lagna-divase niH-vRtta-udvAha-maGgalA/
|k10|t17|z28
gatvA pati-gRham nItvA sotsavena ca tat-dinam/
sA patyA samam adhyAsta zayanIya-gRham nizi/
|k10|t17|z29
tatra zayyA-niSaNNA api na tasya pratyapadyata/
patyuH samudradattasya pariSvaGgam asaMmukhI/
|k10|t17|z30
tena anunIyamAnA api yat udazruH babhUva sA/
tat saH na abhimataH asmi asyAH nUnam iti akarot hRdi/
|k10|t17|z31
jagAda ca anabhimataH yadi aham tava sundari/
tat me na arthaH tvayA gaccha yaH priyaH tava tam prati/
|k10|t17|z32
tat zrutvA sA nata-mukhI zanaiH evam uvAca tam/
tvam me prANa-adhikaH preyAn vijJaptim kim tu me zRNu/
|k10|t17|z33
anutiSTha saharSam ca prayaccha ca mama abhayam/
kuruSva zapatham yAvat Arya-putra vadAmi te/
|k10|t17|z34
evam uktavatI kRcchrAt tathA tena kRte punaH/
sa-lajjam sa-viSAdam ca sabhayam ca jagAda sA/
|k10|t17|z35
ekAkinIm gRha-udyAne dRSTvA mAm ekadA yuvA/
aruNat dharmadatta-AkhyaH sakhA bhrAtuH smara-AturaH/
|k10|t17|z36
rakSantyA sa-parIvAdam kanyA-dAna-phalam pituH/
mayA haTha-pravRttasya tasya vAk-saMyamaH kRtaH/
|k10|t17|z37
pUrvam kRta-vivAhA tvAm upaiSyAmi tataH priyam/
tat me satya-vacaH pAlyam anumanyasva tat prabho/
|k10|t17|z38
yAvat tat nikaTam gatvA kSaNena upaimi te antikam/
na hi zaknomi atikrAntum satyam A-bAlya sevitam/
|k10|t17|z39
iti tasyAH vacaH-vajra-pAtena sahasA hataH/
samudradattaH satyena baddhaH kSaNam acintayat/
|k10|t17|z40
aho dhik anya-raktA iyam gantavyam dhruvam etayA/
tat-satyam hanmi kim yAtu kaH asyAH pariNaya-grahaH/
|k10|t17|z41
iti Alocya anumene tAm yathA-iSTa-gamanAya saH/
sA api utthAya tataH tasmAt niryayau pati-vezmanaH/
|k10|t17|z42
tAvat atra udaya-adri-indra-harmya-agram hima-dIdhitiH/
Aruroha kara-AkrAnta-hasat-pUrva-dik-aGganaH/
|k10|t17|z43
tataH tamaHsu api AzliSya sthiteSu adridarI priyAH/
sevamAneSu bhRGgeSu api aparam kumuda-Akaram/
|k10|t17|z44
yAntI madanasenA sA mArge dRSTvA ekakA nizi/
caureNa AdhAvya kena api rurudhe vasana-aJcale/
|k10|t17|z45
kA tvam brUhi kva yAsi iti tena uktA bibhyatI ca sA/
uvAca kim tava anena muJca kAryam iha asti me/
|k10|t17|z46
tataH cauraH abravIt mattaH caurAt tvam mucyase katham/
tat zrutvA sA avadat tam ca gRhANa AbharaNAni me/
|k10|t17|z47
atha cauraH abhyadhAt mugdhe kim ebhiH upalaiH mama/
candra-kAnta-AnanAm tArkSya-ratna-asita-ziraH-ruhAm/
|k10|t17|z48
vajra-madhyAm su-varNa-aGgIm padma-rAga-aGghri-hAriNIm/
jagat-AbharaNam na eva mokSyAmi bhavatIm aham/
|k10|t17|z49
iti uktA tena caureNa vivazA sA vaNik-sutA/
AkhyAya nija-vRttAntam evam prArthayate sma tam/
|k10|t17|z50
kSamasva me kSaNam yAvat kRtvA satya-anupAlanam/
iha-sthasya eva te pArzvam AgamiSyAmi satvaram/
|k10|t17|z51
na aham ullaGghayiSyAmi bhadra satyAm imAm giram/
zrutvA etat satya-saMdhAm tAm matvA cauraH mumoca saH/
|k10|t17|z52
tasthau pratIkSamAnaH ca tatra eva saH tat-Agamam/
sA api tasya antikam dharmadattasya vaNijaH yayau/
|k10|t17|z53
saH ca abhISTAm api prAptAm tathA tAm vijane sthitAm/
dRSTvA pRSTvA yathA-vRttam vicintya kSaNam abravIt/
|k10|t17|z54
satyena tava tuSTaH asmi kim tvayA me parastriyA/
yAvat tvAm na IkSate kaz-cit tAvat gaccha yathA-Agatam/
|k10|t17|z55
iti tena parityaktA sA tathA iti Ayayau tataH/
caurasya nikaTam tasya pratipAlayataH pathi/
|k10|t17|z56
brUhi kaH te atra vRttAntaH gatAyAH iti pRcchate/
tasmai sA tena vaNijA yathA muktA tathA abravIt/
|k10|t17|z57
tataH saH cauraH avAdIt tAm yadi evam tat mayA api asi/
vimuktA satya-tuSTena gRham sAbharaNA vraja/
|k10|t17|z58
evam tena api sA tyaktA rakSitA ca anuyAyinA/
a-lupta-zIlA muditA patyuH eva Ayayau gRham/
|k10|t17|z59
tatra guptam praviSTA sA prahRSTA upAgatA satI/
dRSTvA pRSTavate tasmai patye sarvam avarNayat/
|k10|t17|z60
saH api a-lupta-mukha-chAyAm tAm asaMbhoga-lakSaNAm/
saMbhAvya abhagna-cAritrAm satya-lAbha-ratAm satIm/
|k10|t17|z61
a-dRSTa-manasam bhAryAm abhinandya kula-ucitam/
tasthau samudradattaH atha tayA saha yathA-sukham/
|k10|t17|z62
iti tatra kathAm uktvA pitR-vana-bhUmau tadA saH vetAlaH/
vadati sma tam trivikramasenam vasu-dhA-adhipam bhUyaH/
|k10|t17|z63
tat brUhi caura-vaNijAm eSAm madhyAt nara-indra kaH tyAgI/
jAnan yadi na vadiSyasi vidaliSyati te ziraH zatadhA/
|k10|t17|z64
tat zrutvA saH mahI-patiH ujjhita-maunaH tam Aha vetAlam/
eSAM cauraH tyAgI na punaH vaNijau ubhau api tau/
|k10|t17|z65
yaH hi patiH tAm ajahAt atyAjyAm tAdRzIm vivAhi api/
kulajaH saH anya-AsaktAm bhAryAm jAnan katham vahatu/
|k10|t17|z66
yaH api aparaH saH bhayAt tAm atyAkSIt kAla-jIrNa-saMvegaH/
vidita-arthaH bhartA asyAH prAtaH brUyAt nR-pAya iti/
|k10|t17|z67
cauraH tu gupta-cArI nirapekSaH pApa-karma-kRt prAptam/
strI-ratnam yat amuJcat sAbharaNam tena saH tyAgI/
|k10|t17|z68
etat zrutvA eva aMsataH tasya rAjJaH vetAlaH agAt pUrvavat svam padam saH/
rAjA bhUyaH api atra saMprAptum etat prAyAt eva a-khanDita-uddAma-dhairyaH/