{
Author: somadeva
Title: vetAlapaJcaviMzati
Text input: Elena Artesani
Supervisor: Paolo Magnone
Transliteration scheme: Harvard=Kyoto
Marking scheme: Tact/Wordcruncher
k = kathA
t = taraGga
z = zloka
/ = end of line
}



|k11|t18|z1
tataH gatvA punaH prApya ziMzapAtaH agrahIt nR-paH/
saH trivikramasenaH aMse vetAlam tam cacAla ca/
|k11|t18|z2
AyAntam ca tam aMsa-sthaH vetAlaH saH abravIt nR-pam/
rAjan vicitrAm ekAm te varNayAmi kathAm zRNu/
|k11|t18|z3
 ujjayinyAm abhUt pUrvam nAmnA dharmadhvajaH nR-paH/
tisraH tasya Abhavan bhAryAH rAja-putryaH ativallabhAH/
|k11|t18|z4
ekA tAsu indulekhA iti tArAvalI aparA tathA/
nAmnA mRgAGkavatI anyA niH-sAmAnya-vapuH-guNAH/
|k11|t18|z5
tAbhiH saH viharan rAjA rAjJIbhiH tisRbhiH saha/
AsAMcakre kRtI tatra jita-azeSa-ripuH sukham/
|k11|t18|z6
ekadA tatra saMprApte vasanta-samaya-utsave/
priyAbhiH sahitaH tAbhiH udyAnam krIDitum yayau/
|k11|t18|z7
tatra ali-mAlA-maurvIkAH pazyan puSpa-AnatAH latAH/
cApa-yaSTIH anaGgasya madhunA sajjitAH iva/
|k11|t18|z8
zRNvan ca tat-druma-agra-stha-kokila-udIritAm giram/
sam-bhoga-eka-rasasya AjJAm iva mAnasa-janmanaH/
|k11|t18|z9
siSeve antaH-puraiH sAkam saH rAjA vAsava-upamaH/
pAnam madasya kaMdarpa-jIvitasya api jIvitam/
|k11|t18|z10
tat-niH-zvAsa-su-gandhIni tat-bimba-oSTha-rucIni ca/
priyA-pIta-avazeSANi piban reme madhUni saH/
|k11|t18|z11
tatra tasya indulekhAyA rAjJaH keli-kaca-grahAt/
tasyAH papAta karNa-agrAt utsaGge tvaGgad utpalam/
|k11|t18|z12
tena Uru-pRSThe sahasA kSate jAte abhighAta-je/
abhijAtA mahA-devI hA hA iti uktvA mumUrccha sA/
|k11|t18|z13
tat dRSTvA vihvalena ArtyA rAjJA parijanena ca/
samAzvAsyata rAjJI sA zanaiH zIta-ambu-mArutaiH/
|k11|t18|z14
tataH nItvA saH rAjA tAm rAja-dhAnIm bhiSak-kRtaiH/
priyAm upAcarat divyaiH Amukta-vraNa-paTTikAm/
|k11|t18|z15
rAtrau ca susthitAm dRSTvA tAm saH rAjA dvitIyayA/
 tArAvalyA saha Arohat candra-prAsAdam IzvaraH/
|k11|t18|z16
tatra tasya aGka-suptAyAH rAjJaH tasyAH hima-tviSaH/
karAH jAla-pathaiH petuH aGge calita-vAsasi/
|k11|t18|z17
tataH kSaNAt prabuddhA sA hA dagdhA-asmi iti vAdinI/
zayanAt sahasA uttasthau tat-aGga-parimarzinI/
|k11|t18|z18
kim etat iti saMbhrAntaH prabuddhaH atha dadarza saH/
utthAya rAjA visphoTAn aGge tasyAH vinirgatAn/
|k11|t18|z19
pRcchantam sA ca tam prAha rAjJI tArAvalI tadA/
nagna-aGge patitaiH indoH karaiH etat kRtam mama/
|k11|t18|z20
iti uktavatyAH krandantyAH sa-ArtiH Ahvayati sma saH/
tasyAH parijanam rAjA vihvala-Akula-dhAvitam/
|k11|t18|z21
tena asyAH kArayAmAsa sa-jalaiH nalinI-dalaiH/
zayyAm adApayat ca aGge zrI-khaNDa-Ardra-vilepanam/
|k11|t18|z22
tAvat buddhvA tRtIyA asya sA mRgAGkavatI priyA/
tat-pArzvam Agantu-manAH niryayau nija-mandirAt/
|k11|t18|z23
nirgatA sA AzRNot kva api gRhe dhAnya-avaghAtajam/
niH-zabdAyAm nizi vyaktam vidUre musala-dhvanim/
|k11|t18|z24
zrutvA eva hA mRtA-asmi iti bruvANA dhunvatI karau/
upAvizat vyathA-AkrAntA mArge sA mRga-locanA/
|k11|t18|z25
tataH pratinivRtya eva nItvA parijanena sA/
svam eva antaH-puram bAlAH rudatI zayane apatat/
|k11|t18|z26
dadarza tatra tasyAH ca cinvan sa-azruH paricchadaH/
AlIna-bhramarau padmau iva hastau kiNa-aGkitau/
|k11|t18|z27
gatvA ca saH abravIt rAjJe rAjA api Agatya vihvalaH/
kim etat iti papraccha saH atha dharmadhvajaH priyAm/
|k11|t18|z28
sA api pradarzya hastau tam iti uvAca rujA-anvitA/
zrute musala-zabde me jatau etau kiNa-aGkitau/
|k11|t18|z29
tataH saH dAha-zamanam dApayAmAsa hastayoH/
tasyAH candana-lepa-Adi rAjA adbhuta-viSAdavAn/
|k11|t18|z30
ekasyAH utpalena api patatA kSatam Ahitam/
dvitIyasyAH punaH dagdham aGgam zazi-karaiH api/
|k11|t18|z31
ekasyAH tu tRtIyasyAH zrutena api vinirgatAH/
kaSTam musala-zabdena hastayoH IdRzAH kiNAH/
|k11|t18|z32
aho yugapat etAsAm preyasInAm mama adhunA/
guNaH api atyabhijAtatvam jAtaH doSAya daivataH/
|k11|t18|z33
iti cintayataH tasya bhramataH antaH-pureSu ca/
tri-yAmA zata-yAma iva kRcchrAt sA nR-pateH yayau/
|k11|t18|z34
prAtaH ca saH bhiSak-zalya-hartRbhiH saha saMvyadhAt/
tathA yathA abhUt acirAt sva-stha-antaH-pura-nirvRttaH/
|k11|t18|z35
evam etAm kathAm uktvA vetAlaH atyadbhutAm tadA/
saH trivikramasenam tam papraccha aMsa-sthitaH nR-pam/
|k11|t18|z36
abhijAtatarA etAsu rAjan rAjJISu kA vada/
pUrva-uktaH saH astu zApaH te jAnan yadi na jalpasi/
|k11|t18|z37
tat zrutvA saH abravIt rAjA su-kumAratarA atra sA/
aspRSTe musale yasyAH zabdena eva udgatAH kiNAH/
|k11|t18|z38
utpala-indu-karaiH sparze vRtte tu itarayoH dvayoH/
saMjAtAH vraNa-visphoTAH tena tasyAH na te same/
|k11|t18|z39
iti tasya uktavataH aMsAt rAjJaH bhUyaH jagAma saH sva-padam/
vetAlaH saH ca rAjA tathA eva tam su-dRDha-nizcayaH anuyayau/




|k12|t19|z1
saH trivikramasenaH atha punaH tam ziMzapA-tarum/
gatvA prApya ca vetAlam rAjA skandhe cakAra tam/
|k12|t19|z2
pratasthe ca tam AdAya tUSNIm eva saH pUrvavat/
tataH bhUyaH tam Aha sma vetAlaH saH aMsa-pRSThataH/
|k12|t19|z3
rAjan evam anudvignaH paryAptam asi me priyaH/
tat etAm zRNu akhedAya hRdyAm AkhyAmi te kathAm/
|k12|t19|z4
 aGga-deze yazaHketuH iti rAjA abhavat purA/
kSmAm AzritaH aGga-gupti-artham a-dagdhaH anyaH iva smaraH/
|k12|t19|z5
bAhu-vIrya-jita-azeSa-vairi-vargasya tasya ca/
 dIrghadarzI iti abhUt mantrI zakrasya iva bRhaspatiH/
|k12|t19|z6
tasmin mantriNi vinyasya rAjyam saH hata-kaNTakam/
zanaiH sukha-eka-saktaH abhUt vayaH-rUpa-madAt nR-paH/
|k12|t19|z7
tasthau antaH-pure zazvat na AsthAne pramadA-Aspade/
zuzrAva raktimat gItam vacanam na hita-eSiNAm/
|k12|t19|z8
rajyati sma ca niH-cintaH jAla-vAta-ayaneSu saH/
na punaH rAja-kAryeSu bahu-chidreSu jAtu api/
|k12|t19|z9
 dIrghadarzI tu tat rAjya-cintA-bhAram samudvahan/
atiSThat saH mahA-mantrI divA-nizam atandritaH/
|k12|t19|z10
nAma-mAtre kRta-dhRtim prakSipya vyasane nR-pam/
mantrI rAjJaH zriyam bhuNkte dIrghadarzI iha sAmpratam/
|k12|t19|z11
iti utpanne mahati atra jana-vAde atha gehinIm/
svairam medhAvinIm nAma dIrghadarzI jagAda saH/
|k12|t19|z12
priye rAjJi sukha-Asakte tat-bhAram vahataH api me/
rAjyam bhakSitam etena iti utpannam a-yazaH jane/
|k12|t19|z13
loka-vAdaH ca mithyA api mahatAm iha doSa-kRt/
tatyAja kim na rAmaH api jana-vAdena jAnakIm/
|k12|t19|z14
tat atra kim mayA kAryam iti ukte tena mantriNA/
bhAryA medhAvinI dhIrA sA anvarthA tam abhASata/
|k12|t19|z15
tIrtha-yAtrA-apadezena yuktyA ApRcchya mahI-patim/
kam-cit kAlam videzam te gantum yuktam mahA-mate/
|k12|t19|z16
evam te niH-spRhasya eSa jana-vAdaH nivartsyati/
tvayi a-sthite tataH rAjyam udvakSyati nR-paH svayam/
|k12|t19|z17
tataH ca asya zanaiH etat vyasanam hAnimeSyati/
Agatasya atra niH-garhA bhavitrI mantritA ca te/
|k12|t19|z18
iti uktaH bhAryayA gatvA dIrghadarzI tathA iti saH/
kathA-prasaGge tam bhU-pam yazaHketum vyajijJapat/
|k12|t19|z19
anujAnIhi mAm rAjan divasAn kAn-cit api aham/
vrajAmi tIrtha-yAtrAyai dharmaH hi prepsitaH saH me/
|k12|t19|z20
tat zrutvA saH abravIt rAjA mA evam tIrthaiH vinA paraH/
dAna-AdiH kim na dharmaH asti svargyaH te sva-gRheSu api/
|k12|t19|z21
atha avocat saH mantrI tam artha-zuddhi-Adi mRgyate/
dAna-Adau nitya-zuddhAni tIrthAni nR-pate punaH/
|k12|t19|z22
yAvat ca yauvanam rAjan tAvat gamyAni dhImatA/
a-vizvAsye zarIre hi saMgamaH taiH kutaH anyadA/
|k12|t19|z23
iti tasmin vadati eva rAjJi ca evam niSedhati/
pravizya atra pratIhAraH rAjAnam tam vyajijJapat/
|k12|t19|z24
deva vyoma-saraH-madhyam aMzu-mAlI vigAhate/
tat uttiSThata sA eSA vaH snAna-velA ativartate/
|k12|t19|z25
zrutvA etat sahasA snAtum udatiSThat mahI-patiH/
yAtrA unmukhaH saH mantrI ca tam praNamya gRham yayau/
|k12|t19|z26
tatra avasthApya bhAryAm tAm anuyAtrA-nivAritAm/
saH pratasthe tataH yuktyA sva-bhRtyaiH api atarkitaH/
|k12|t19|z27
ekAkI ca bhraman tAn tAn dezAn tIrthAni ca vrajan/
saH prApa puNDra-viSayam dIrghadarzI su-niH-cayaH/
|k12|t19|z28
tatra pattane ekasmin a-dUre ap-dheH pravizya saH/
ekam deva-kulam zaivam tat-prAGgaNe upAvizat/
|k12|t19|z29
tatra arka-kara-saMtApa-klAntam dUra-adhva-dhUsaram/
dadarza nidhidatta-AkhyaH vaNik deva-arcana-AgataH/
|k12|t19|z30
saH tam tathA-vidham dRSTvA sa-upavItam su-lakSaNam/
saMbhAvya ca uttamam vipram AtitheyaH anayat gRham/
|k12|t19|z31
tatra ca apUjayat snAna-bhojana-AdyaiH tam uttamaiH/
kaH kutaH tvam kva yAsi iti vizrAntam ca saH pRSTavAn/
|k12|t19|z32
 dIrghadarzI iti vipraH aham aGga-dezAt iha AgataH/
tIrtha-yAtrA-artham iti eva gAmbhIryAt saH api uvAca tam/
|k12|t19|z33
tataH saH nidhidattaH api tam jagAda mahA-vaNik/
su-varNa-dvIpa-gamanAya udyataH aham vaNijyayA/
|k12|t19|z34
tat tvam tiSTha iha mat-gehe yAvat eSyAmi aham tataH/
tIrtha-yAtrA-parizrAntaH vizrAntaH hi atha yAsyasi/
|k12|t19|z35
tat zrutvA saH abravIt dIrghadarzI tarhi mama iha kim/
tvayA eva saha yAsyAmi sArtha-vAha yathA-sukham/
|k12|t19|z36
evam astu iti tena ukte sAdhunA saH atha tat-gRhe/
cirAt avApta-zayanaH nizAm mantrI ninAya tAm/
|k12|t19|z37
anye-dyuH atha tena eva vaNijA saha vAri-dhim/
gatvA Aruroha tat-bhANDa-pUrNam pravahaNam ca saH/
|k12|t19|z38
tena gacchan pravahaNena ap-dhim adbhuta-bhISaNam/
vilokayan saH saMprApa svarNa-dvIpam krameNa tat/
|k12|t19|z39
kva mantri-mukhyatA ca asya kva vA adhva-ullaGghita-ambu-dhiH/
a-yazaH-bhIravaH kim na kurvate bata sAdhavaH/
|k12|t19|z40
tatra dvIpe samam tena kam-cit kAlam uvAsa saH/
vaNijA nidhidattena kurvatA kraya-vikrayau/
|k12|t19|z41
Agacchan ca tataH akasmAt tat-yuktaH vahana-sthitaH/
kalpa-vRkSam dadarza ap-dhau UrmeH pazcAt samutthitam/
|k12|t19|z42
pravAla-zAkhA-su-bhagaiH skandhaiH jAmbUnada-ujjvalaiH/
phalaiH maNi-mayaiH kAntaiH kusumaiH ca upazobhitam/
|k12|t19|z43
tasya skandhe ca sad-ratna-paryaGka-utsaGga-vartinIm/
kanyAm atyadbhuta-AkAra-kamanIyAm avaikSata/
|k12|t19|z44
aho kim etat iti evam yAvat dhyAyati saH kSaNam/
tAvat sA vINinI kanyA gAtum evam pracakrame/
|k12|t19|z45
yat karma-bIjam uptam yena purA niH-citam saH tat bhuGkte/
pUrva-kRtasya hi zakyaH vidhinA api na kartum anyathA-bhAvaH/
|k12|t19|z46
iti udgAya kSaNAt tasmin ambhaH-dhau divya-kanyakA/
sa-kalpa-druma-paryaGka-zayyA atra eva mamajja sA/
|k12|t19|z47
kim-api a-pUrvam adya idam mayA dRSTam iha adbhutam/
kva ap-dhiH kva dRSTa-naSTaH atra gAyat-divya-aGganaH taruH/
|k12|t19|z48
yadi vA vandyaH eSaH ap-dhiH AkaraH zazvat IdRzAm/
 lakSmI-indu-pArijAta-AdyAH na asmAt te te kim udgatAH/
|k12|t19|z49
iti tam cintayantam ca tat-kSaNam dIrghadarzinam/
vilokya vismaya-AviSTam karNa-dhAra-AdayaH abruvan/
|k12|t19|z50
evam eSA sadA eva iha dRzyate vara-kanyakA/
nimajjati ca tat-kAlam tava etat darzanam navam/
|k12|t19|z51
iti uktaH taiH samam tena nidhidattena saH kramAt/
mantrI citrIyamANaH ap-dheH tIram pota-gataH abhyagAt/
|k12|t19|z52
tatra uttArita-bhANDena tena eva vaNijA saha/
jagAma hRSTa-bhRtyena sa-utsavam saH atha tat-gRham/
|k12|t19|z53
sthitvA na aticiram tatra nidhidattam uvAca tam/
sa-artha-vAha bhavat-gehe vizrAntaH aham ciram sukham/
|k12|t19|z54
idAnIm gantum icchAmi sva-dezam bhadram astu te/
iti uktvA tam anicchantam api Amantrya vaNik-patim/
|k12|t19|z55
 dIrghadarzI saH sattva-eka-sahAyaH prasthitaH tataH/
krama-ullaGghita-dUra-adhvA prApa aGga-viSayam nijam/
|k12|t19|z56
tatra tam dadRzuH cArAH bahiH nagaram Agatam/
ye yazaHketunA rAjJA prAGnyastAH tat-gaveSaNe/
|k12|t19|z57
taiH ca gatvA saH vijJaptaH cAraiH rAjA tam abhyagAt/
svayam niH-gatya nagarAt tat-vizleSa-su-duHkhitaH/
|k12|t19|z58
upetya ca pariSvaGga-pUrvam tam abhinandya saH/
ninAya abhyantaram bhU-paH cira-adhva-kSAma-dhUsaram/
|k12|t19|z59
tyaktvA asmAn kim tvayA nItam na param bata mAnasam/
yAvat zarIram api etat niH-sneha-paruSAm dazAm/
|k12|t19|z60
kim vA bhagavataH vetti bhavitavyasya kaH gatim/
yad akasmAt tava eSA abhUt tIrtha-Adi-gamane matiH/
|k12|t19|z61
tat brUhi ke tvayA bhrAntA dezAH dRSTam ca kim navam/
iti tatra ca tam rAjA saH jagAda sva-mantriNam/
|k12|t19|z62
tataH su-varNa-dvIpa-antam saH adhvAnam varNayan kramAt/
ap-dhau udgaminIm tasmai tAm dRSTAm divya-kanyakAm/
|k12|t19|z63
gAyantIm tri-jagat-sAra-bhUtAm kalpa-taru-sthitAm/
yathAvat kathayAmAsa dIrghadarzI mahI-bhRte/
|k12|t19|z64
saH tAm zrutvA eva ca nR-paH tathA smara-vazaH abhavat/
yathA tayA vinA mene niSphale rAjya-jIvite/
|k12|t19|z65
jagAda ca tam eka-ante nItvA sva-sacivam tadA/
draSTavyA asau mayA a-vazyam jIvitam na asti me anyathA/
|k12|t19|z66
yAmi tvat-uktena pathA praNamya bhavitavyatAm/
nivAraNIyaH na aham te na anugamyaH ca sarvthA/
|k12|t19|z67
guptam ekaH hi yAsyAmi rAjyam rakSyam tu me tvayA/
mat-vacaH mA anyathA kArSIH zApitaH asi mama asubhiH/
|k12|t19|z68
iti uktvA tat-prativacaH nirasya visasarja tam/
mantriNam sva-gRham rAjA cira-utkam sva-janam prati/
|k12|t19|z69
tatra an-alpa-utsave api AsIt dIrghadarzI su-duH-manAH/
svAmini a-sAdhya-vyasane sukham sat-mantriNAm kutaH/
|k12|t19|z70
anye-dyuH ca saH tat-hasta-nyasta-rAjya-bharaH nR-paH/
 yazaHketuH tataH prAyAt nizi tApasa-veSa-bhRt/
|k12|t19|z71
gacchan ca kuzanAbha-Akhyam munim mArge dadarza saH/
saH atra tam tApasa-Akalpam praNatam muniH Adizat/
|k12|t19|z72
 lakSmIdattena vaNijA saha potena vAri-dhau/
gatvA prapsyasi tAm iSTAm kanyAm vraja niH-AkulaH/
|k12|t19|z73
iti tat-vacasA prItAH tam praNamya saH pArthivaH/
gacchan dezAn nadIH adrIn krAntvA tam prApat ambu-dhim/
|k12|t19|z74
sutAra-zaGkha-dhavalaiH vIci-bhrUbhiH vikasvaraiH/
vIkSamANam iva Avarta-netraiH Atithya-saMbhramAt/
|k12|t19|z75
tat-tIre vaNijA tena muni-proktena saMgatiH/
 lakSmIdattena jajJe asya svarNa-dvIpam yiyAsunA/
|k12|t19|z76
tena eva saha cakra-aGka-pAda-mudrA-Adi darzanAt/
prahveNa Aruhya vahanam pratasthe saH ambu-dhau nR-paH/
|k12|t19|z77
madhyam ap-dheH ca saMprApte vahane vAri-madhyataH/
udagAt kalpa-viTapi-skandha-sthA sA atra kanyakA/
|k12|t19|z78
yAvat pazyati tAm rAjA cakoraH iva candrikAm/
tAvat sA gAyati sma evam vallakI-vAdya-sundaram/
|k12|t19|z79
yat karma-bIjam uptam yena purA niH-citam saH tat bhuGkte/
pUrva-kRtasya hi zakyaH vidhinA api na kartum anyathA-bhAvaH/
|k12|t19|z80
tasmAt yatra yathA yad bhavitavyam yasya daiva-yogena/
tatra tathA tat-prAptyai vivazaH asau nIyate atra na bhrAntiH/
|k12|t19|z81
iti sUcita-bhavya-arthAm gAyantIm tAm vibhAvayan/
niH-spandaH saH kSaNam tasthau rAjA smara-zara-AhataH/
|k12|t19|z82
ratna-Akara namaH satyam a-gAdha-hRdayAya te/
yena tvayA etAm pracchAdya vipralabdhaH hariH zriyA/
|k12|t19|z83
tat suraiH api a-labhya-antam sa-pakSa-kSmA-bhRt-Azrayam/
zaraNam tvAm prapannaH aham iSTa-siddhim vidhatsva me/
|k12|t19|z84
evam yAvat samudram tam saH nataH stauti bhUmi-paH/
tAvat sA kanyakA tatra nimamajja sa-pAda-pA/
|k12|t19|z85
tat dRSTvA eva anumArge asyAH saH rAjA AtmAnam akSipat/
vAri-dhau atra kAma-agni-saMtApasya iva zAntaye/
|k12|t19|z86
tat vIkSya a-zaGkitam matvA vinaSTam tam saH sat-janaH/
 lakSmIdattaH vaNik duHkhAt deha-tyAga-udyataH abhavat/
|k12|t19|z87
mA kArSIH sAhasam na asti magnasya asya ambhu-dhau bhayam/
eSaH rAjA yazaHketuH nAmnA tApasa-veSa-bhRt/
|k12|t19|z88
etat kanyA-artham AyAtaH pUrva-bhAryA iyam asya ca/
etAm prApya punaH ca asau aGga-rAjyam sameSyati/
|k12|t19|z89
iti atha AzvAsitaH vAcA tat-kAlam gagana-utthayA/
sa-artha-vAhaH yathA-kAmam saH jagAma iSTa-siddhaye/
|k12|t19|z90
saH rAjA api yazaHketuH nimagnaH antaH mahA-uda-dhau/
akasmAt nagaram divyam apazyat jAta-vismayaH/
|k12|t19|z91
bhAsvat-maNimaya-stambhaiH kAJcana-ujjvala-bhittibhiH/
virAjamAnam prAsAdaiH muktA-jAla-gava-akSakaiH/
|k12|t19|z92
nAnA-ratna-zilA-paTTa-baddha-sopAna-vApikaiH/
kAma-daiH kalpa-vRkSa-ADhyaiH udyAnaiH upazobhitam/
|k12|t19|z93
samRddhe api pure tatra niH-jane atha gRham gRham/
anupravizya na yadA tAm dadarza priyAm kva-cit/
|k12|t19|z94
tadA vicinvan dRSTvA ekam uttuGgam maNi-mandiram/
Aruhya dvAram udghATya praviveza saH bhU-patiH/
|k12|t19|z95
pravizya ca antaH sat-ratna-paryaGka-sthitam ekakam/
vastra-AcchAdita-sarva-aGgam zayAnam kam-cit aikSata/
|k12|t19|z96
kim syAt sA eva iti sa-utkaNTham udghATayati tat-mukham/
yAvat tAvat apazyat tAm sva-IpsitAm eva saH aGganAm/
|k12|t19|z97
srasta-nIla-aMzuka-dhvAnta-hasat-mukha-zazi-zriyam/
jyotsnA-avadAtAm pAtAla-gatAm iva divA nizAm/
|k12|t19|z98
tat-darzanena ca asya abhUt avasthA kA-api sA tadA/
grISma-Rtau maru-pAnthasya sarit-saMdarzanena yA/
|k12|t19|z99
sA api unmIlita-cakSuH tam kalyANa-AkRti-lakSaNam/
vIkSya akasmAt tathA-prAptam saMbhramAt zayanam jahau/
|k12|t19|z100
kRta-AtithyA nata-mukhI pUjayantI iva pAdayoH/
phulla-IkSaNa-utpala-nyAsaiH zanaiH etam uvAca ca/
|k12|t19|z101
kaH bhavAn kim agamyam ca praviSThaH asi rasA-talam/
rAja-cihna-aGkita-tanoH kim ca te tApasa-vratam/
|k12|t19|z102
iti Adiza mahA-bhAga prasAdaH yadi te mayi/
evam tasyAH vacaH zrutvA saH rAjA pratyuvAca tAm/
|k12|t19|z103
 aGga-rAjaH yazaHketuH iti nAmnA asmi sundari/
AptAt anvaha-dRzyAm ca tvAm azrauSam iha ambu-dhau/
|k12|t19|z104
tataH tvat-artham kRtvA imam veSam rAjyam vimucya ca/
Agatya eSa praviSTaH aham anumArgeNa te ambu-dhim/
|k12|t19|z105
tat me kathaya kA asi tvam iti ukte tena ca atha sA/
sa-lajjA sa-anurAgA ca sa-AnandA ca evam abhyadhAt/
|k12|t19|z106
 mRgAGkasenaH iti asti zrImAn vidyAdhara-adhipaH/
mAm mRgAGkavatIm nAmnA viddhi tasya sutAm imAm/
|k12|t19|z107
saH mAm asmin sva-nagare vimucya ekAkinIm pitA/
na jAne hetunA kena gataH kva api sa-paurakaH/
|k12|t19|z108
tena aham zUnya-vasateH nirviNNA unmajjya vAri-dheH/
yantra-kalpa-druma-ArUDhA gAyAmi bhavitavyatAm/
|k12|t19|z109
evam uktavatI tena smaratA tat muneH vacaH/
tathA arajyata sA rAjJA vacobhiH prema-pezalaiH/
|k12|t19|z110
yathA anurAga-vivazA bhAryAtvam tasya tat-kSaNam/
aGgI-cakAra vIrasya samayam tu ekam abhyadhAt/
|k12|t19|z111
zukla-kRSNa-caturdazyAm aSTamyAm ca Arya-putra te/
prati-mAsam anAyattA caturaH divasAn aham/
|k12|t19|z112
yatra kva-api dineSu eSu gacchantI ca asmi na tvayA/
praSTavyA na niSeddhavyA kAraNam hi atra vidyate/
|k12|t19|z113
evam tAm ukta-samayAm saH rAjA divya-kanyakAm/
tathA iti uktvA eva gAndharva-vidhinA pariNItavAn/
|k12|t19|z114
bheje tataH ca saMbhoga-sukham tatra tayA saha/
yathA abhUt anyaH eva asyAH mAnmathaH maNDana-kramaH/
|k12|t19|z115
kezeSu srasta-mAlyeSu kaca-graha-nakha-AvalI/
bimba-adhare atha niSpIta-nIrAge dazana-kSatiH/
|k12|t19|z116
kucayoH kara-ja-zreNiH bhinna-mANikya-mAlayoH/
lupta-aGga-rAgeSu aGgeSu gADha-AliGgana-rAgitA/
|k12|t19|z117
iti tat-divya-saMbhoga-sukha-avasthitam atra tam/
sA mRgAGkavatI bhAryA bhU-pam prAha idam ekadA/
|k12|t19|z118
tvam iha eva pratIkSethAH kArya-artham kva-api yAmi aham/
adya sA eSA hi saMprAptA mama kRSNa-caturdazI/
|k12|t19|z119
iha sthaH tu Arya-putra amum mA sma gAH sphATikam gRham/
mA atra vApyAm nipatitaH bhU-lokam tvam gamiSyasi/
|k12|t19|z120
iti uktvA sA tam Amantrya yayau tasmAt purAt bahiH/
rAjA api prApta-khaDgaH tAm channaH jijJAsuH anvagAt/
|k12|t19|z121
tatra apazyat tamaH-zyAmam vyAtta-vakra-bilam ca saH/
sa-AkAram iva pAtAlam AyAntam rAkSasam nR-paH/
|k12|t19|z122
saH rAkSasaH nipatya eva mukta-ghora-ravaH tadA/
tAm mRgAGkavatIm vaktre nikSipya eva nigIrNavAn/
|k12|t19|z123
tat dRSTvA eva ati-kopena sahasA saH jvalan iva/
niH-moka-mukta-bhujaga-zyAmalena mahA-asinA/
|k12|t19|z124
koSa-AkRSTena dhAvitvA rAja-siMhaH abhidhAvataH/
ciccheda rakSasaH tasya saMdaSTa-oSTha-puTam ziraH/
|k12|t19|z125
rakSaH-kabandha-vAntena rAjJaH tasya asra-vAriNA/
krodha-jaH atha zazAma agniH na tu kAntA-viyoga-jaH/
|k12|t19|z126
tataH moha-nizA-andhe asmin vinaSTa-gatike nR-pe/
akasmAt megha-malinasya aGgam bhittvA iva rakSasaH/
|k12|t19|z127
tasya uddyotita-dik-cakrA candra-mUrtiH iva a-malA/
sA mRgAGkavatI jIvantI a-kSata-aGgI viniryayau/
|k12|t19|z128
tAm tathA saMkaTa-uttIrNAm dRSTvA kAntAm sa-saMbhramam/
ehi ehi iti vadan rAjA pradhAvya eva AliliGga saH/
|k12|t19|z129
priye kim etat svapnaH ayam uta mAyA iti tena sA/
pRSTA nR-peNa saMsmRtya vidyAdharI evam abravIt/
|k12|t19|z130
zRNu Arya-putra na svapnaH na mAyA iyam ayam punaH/
vidhyAdhara-indrAt sva-pituH zApaH abhUt IdRzaH mama/
|k12|t19|z131
bahu-putraH api saH hi me pitA pUrvam vasan iha/
mayA vinA ati-vAtsalyAt na Aharam akarot sadA/
|k12|t19|z132
aham ca sarvadA zarva-pUjA-AsaktA iha niH-jane/
caturdazyoH atha aSTamyoH Agaccham pakSayoH dvayoH/
|k12|t19|z133
ekadA ca caturdazyAm iha Agatya rasAt mama/
ciram gaurIm samarcantyA daivAt avasitam dinam/
|k12|t19|z134
tat ahar mat-pratIkSaH san kSudhitaH api saH mat-pitA/
na abhuGkta na apibat kim-cit AsIt kruddhaH tu mAm prati/
|k12|t19|z135
tataH rAtrau upetAm mAm sa-aparAdhAm adhaH-mukhIm/
bhavitavya-bala-grasta-mat-snehaH zapati sma saH/

|k12|t19|z136
yathA tvat-avalepena grastaH adya aham ayam kSudhA/
mAsi mAsi tathA aSTamyoH caturdazyoH ca kevalam/
|k12|t19|z137
 hara-arcana-rasAt yantIm atra eva tvAm bahiH pure/
nAmnA kRtAntasaMtrAsaH rAkSasaH nigariSyati/
|k12|t19|z138
bhittvA bhittvA asya hRdayam jIvantI ca nireSyasi/
na smariSyasi zApam ca na tAm nigaraNa-vyathAm/
|k12|t19|z139
sthAsyasi ekAkinI ca atra iti ukta-zApa-vacAH zanaiH/
saH anunItaH mayA dhyAtvA zApa-antam me abravIt pitA/
|k12|t19|z140
bhartA bhUtvA yazaHketu-nAma- aGga-nR-patiH yadA/
rAkSasena nigIrNAm tvAm dRSTvA tam nihaniSyati/
|k12|t19|z141
tadA tvam mokSyase zApAt hRdayAt tasya niH-gatA/
saMsmariSyasi ZApa-Adi vidyAH sarvAH tathA nijAH/
|k12|t19|z142
iti Adizya saH zApa-antam tyaktvA mAm ekakAm iha/
 niSadha-adrim gataH tAtaH bhU-lokam sa-paricchadaH/
|k12|t19|z143
aham tathA carantI ca zApa-mohAt iha avasam/
kSINaH ca eSa saH zApaH me jAtA sarvatra ca smRtiH/
|k12|t19|z144
tat tAta-pArzvam adhunA niSadha-adrim vrajAmi aham/
zApa-ante svAm gatim yAma iti eSa samayaH hi naH/
|k12|t19|z145
tvam iha Assva sva-rASTram vA vraja svAtantryam atra te/
evam tayA ukte saH nR-paH duHkhitaH arthayate sma tAm/
|k12|t19|z146
sapta-ahAni na gantavyam prasIda su-mukhi tvayA/
kSipAva tAvat autsukyam udyAne krIDanaiH iha/
|k12|t19|z147
tvam gaccha atha pituH sthAnam yAsyAmi aham api svakam/
etat tat-vacanam mugdhA tathA iti aGgI-cakAra sA/
|k12|t19|z148
tataH atra reme saH tayA saha udyAneSu kAntayA/
sa-jala-utpala-netrAsu vApISu SaD-aham nR-paH/
|k12|t19|z149
mA sma yAtam vihAya asmAn iti pUt kurvatISu iva/
utkSipta-vIci-hastAsu haMsa-sArasa-niH-svanaiH/
|k12|t19|z150
saptame ahni saH yuktyA tAm priyAm tatra Anayat gRhe/
bhU-loka-prApiNI yatra sA yantra-dvAra-vApikA/
|k12|t19|z151
tatra kaNThe gRhItvA tAm tasyAm vApyAm nipatya saH/
uttasthau sva-pura-udyAna-vApI-madhyAt tayA saha/
|k12|t19|z152
tatra kAntA-sakham prAptam tam dRSTvA udyAna-pAlakAH/
hRSTAH tat mantriNe gatvA jagaduH dIrghadarzine/
|k12|t19|z153
saH api etya pAda-patitaH tam AnIta-Ipsita-aGganam/
dRSTvA prAvezayat mantrI sa-pauraH abhyantaram nR-pam/
|k12|t19|z154
aho sA eSA katham prAptA rAjJA divya-aGganA amunA/
vyomni iva vidyut iva yA kSaNa-dRzyA mayA IkSitA/
|k12|t19|z155
yat yasya likhitam dhAtrA lalATa-a-kSara-paGktiSu/
tat a-vazyam asaMbhAvyam api tasya upatiSThate/
|k12|t19|z156
iti atra mantri-mukhye asmin dhyAyati anya-jane api ca/
divya-strI-prApti-sa-azcaryam rAja-agamana-sa-utsave/
|k12|t19|z157
sA mRgAGkavatI dRSTvA tam sva-deza-gatam nR-pam/
iyeSa pUrNa-sapta-ahA yAtum vaidyAdharIm gatim/
|k12|t19|z158
na AvirAsIt ca vidyA asyAH smRtA api utpatanI tadA/
tataH sA muSitA iva atra viSAdam agamat param/
|k12|t19|z159
kim akasmAt viSaNNA iva dRzyase vada me priye/
iti uktA tena rAjJA sA vidhyAdarI evam abravIt/
|k12|t19|z160
sthitA aham zApa-muktA api tvat-snehAt yat iyat ciram/
tena vidyA mama bhraSTA naSTA divyA ca sA gatiH/
|k12|t19|z161
tat zrutvA hanta siddhA iyam mama vidyAdharI iti saH/
rAjA tataH yazaHketuH pUrNam cakre mahA-utsavam/
|k12|t19|z162
tat dRSTvA dIrghadarzI saH mantrI gatvA gRham nizi/
zayanIya-gataH akasmAt hRt-sphoTena vyapadyata/
|k12|t19|z163
tataH anubhUya tat-zokam dhRta-rAjya-bharaH svayam/
 yazaHketuH ciram tasthau saH mRgAGkavatI-yutaH/
|k12|t19|z164
iti etAm kathayitvA mArge tasmai kathAm saH vetAlaH/
avadat punaH trivikramasenam nR-patim tam aMsa-gataH/
|k12|t19|z165
tat brUhi bhU-pate te saMpanne svAminaH tathA abhyudaye/
hRdayam sa-padi sphuTitam tasya mahA-mantriNaH kim iti/
|k12|t19|z166
divya-strI na mayA kim prAptA iti zucA asphuTat hRdayam/
kim vA rAjyam abhIpsoH rAja-Agama-jena duHkhena/
|k12|t19|z167
etat ca yadi na vakSyasi mahyam jAnan api iha tat rAjan/
dharmaH ca tava vinaGkSyati yAsyati dalazaH ca jhaTiti ziraH/
|k12|t19|z168
zrutvA iti tu trivikramasenaH rAjA jagAda vetAlam/
na etat tasmin dvayam api zubha-carite yujyate hi mantri-vare/
|k12|t19|z169
kim tu strI-mAtra-rasAt upekSitam yena bhU-bhujA rAjyam/
tasya adhunA tu divya-strI-raktasya atra kA vArtA/
|k12|t19|z170
tat me kaSTe api kRte pratyuta doSaH bata adhikIbhUtaH/
iti tasya vibhAvayataH hRdayam tat-mantriNaH sphuTitam/
|k12|t19|z171
iti ukte nara-patinA punaH saH mAyI vetAlaH nija-padam eva tat jagAma/
rAjA api prasabham avAptum anvadhAvat bhUyaH api drutam atha tam saH dhIra-cetAH/




|k13|t20|z1
atha gatvA punaH prApya ziMzapAtaH tataH nR-paH/
saH trivikramasenaH tam skandhe vetAlam Adade/
|k13|t20|z2
AyAntam ca saH vetAlaH bhUyaH tam nR-pam abravIt/
rAjan zRNu kathAm ekAm saMkSiptAm varNayAmi te/
|k13|t20|z3
asti vArANasI nAma purI hara-nivAsa-bhUH/
 devasvAmI iti tatra AsIn mAnyaH nara-pateH dvi-jaH/
|k13|t20|z4
mahA-dhanasya tasya ekaH harisvAmI iti abhUt sutaH/
tasya bhAryA ca lAvaNyavatI iti atyuttamA abhavat/
|k13|t20|z5
 tilottamA-Adi-nAka-strI-niH-mANe prApta-kauzalaH/
anargha-rUpa-lAvaNyAm manye yAm nirmame vidhiH/
|k13|t20|z6
tayA saH kAntayA sAkam harisvAmI kadA-cana/
rati-zrAntaH yayau nidrAm harmye candra-aMzu-zItale/
|k13|t20|z7
tat kAlam tena mArgeNa kAma-cArI vihAyasA/
AgAt madanavega-AkhyaH vidyAdhara-kumArakaH/
|k13|t20|z8
saH tatra lAvaNyavatIm patyuH pArzve dadarza tAm/
suptAm rati-klama-srasta-vastra-vyakta-aGga-sauSThavAm/
|k13|t20|z9
tat-rUpa-hRta-cittaH san madana-andhaH saH tat kSaNam/
suptAm eva nipatya etAm gRhItvA nabhasA yayau/
|k13|t20|z10
kSaNAt prabuddhaH atha yuvA harisvAmI saH tat-patiH/
prANa-IzvarIm apazyan tAm udatiSThat sa-saMbhramaH/
|k13|t20|z11
aho kim etat kva gatA kupitA sA nu kim mayi/
channA jijJAsitum kim me cittam parihasati uta/
|k13|t20|z12
iti an-eka-vikalpa-ogha-vyAkulaH tAm itaH tataH/
harmya-prAsAda-valabhISu anviSyan saH abhramat nizi/
|k13|t20|z13
a-gRha-udyAnataH cinvan yat na prApa kutaH api tAm/
tat saH zoka-agni-saMtaptaH vilalApa azru-gadgadam/
|k13|t20|z14
hA candra-bimba-vadane hA jyotsnA-gaurI hA priye/
rAtryA tulya-guNa-dveSAt kim nu soDhA asi na anayA/
|k13|t20|z15
tvayA kAntyA jitaH bibhyat iva candana-zItalaiH/
karaiH asukhayat yaH mAm saH ayam induH tvayA vinA/
|k13|t20|z16
labdha-antaraH iva idAnIm taiH eva tudati priye/
prajvaladbhiH iva aGgAraiH viSa-digdhaiH iva Azu-gaiH
|k13|t20|z17
iti Adi krandataH tasya sA harisvAminaH tadA/
kRcchrAt vyatIyAya nizA na punaH viraha-vyathA/
|k13|t20|z18
prAtaH bibheda vizvasya karaiH saMtamasam raviH/
bhettum na cakSame tasya moha-andha-tamasam punaH/
|k13|t20|z19
vilabdhaH iva cakra-AhvaiH tasya tIrNa-nizaiH tadA/
bheje zata-gunI-bhAvam karuNA-krandita-dhvaniH/
|k13|t20|z20
sva-janaiH sAntvyamAnaH api viyoga-anala-dIpitaH/
na ca lebhe dvi-ja-yuvA dhRtim tAm preyasIm vinA/
|k13|t20|z21
iha sthitam iha snAtam kRtam atra prasAdhanam/
vihRtam ca tayA atra iti yayau tu itaH itaH rudan/
|k13|t20|z22
mRtA tAvat na sA tat kim AtmA evam hanyate tvayA/
a-vazyam tAm avAptAsi jIvan jAtu kutaH-cana/
|k13|t20|z23
tat dhairyam avalambasva tAm gaveSaya ca priyAm/
aprApyam nAma na iha asti dhIrasya vyavasAyinaH/
|k13|t20|z24
iti bandhu-su-hRt-vAkyaiH bodhitaH saH atha kRcchrataH/
dinaiH kaiH-cit harisvAmI babandha dhRtim AsthayA/
|k13|t20|z25
acintayat ca sarva-svam kRtvA brAhmaNa-sAt aham/
bhramAmi tAvat tIrthAni kSapayAmi agha-saMcayam/
|k13|t20|z26
pApa-kSayAt hi tAm jAtu priyAm bhrAmyan avApnuyAm/
iti Alocya yathA-avastham snAna-Adi utthAya saH akarot/
|k13|t20|z27
anye-dyuH ca vicitra-anna-pAnam sattre dvi-janmanAm/
cakAra avAritam kim ca dadau dhanam a-zeSataH/
|k13|t20|z28
brAhmaNya-mAtra-vittasya niH-gatya eva sva-dezataH/
priyA-prApti-icchayA saH atha tIrthAni bhramitum yayau/
|k13|t20|z29
bhrAmyataH ca jagAma asya bhImaH grISma-Rtu-kesarI/
pracaNDa-Aditya-vadanaH dIpta-tat-razmi-kesaraH/
|k13|t20|z30
priyA-viraha-saMtapta-pAntha-niH-zvAsa-mArutaiH/
nyasta-uSmANaH iva atyuSNAH vAnti sma ca samIraNAH/
|k13|t20|z31
zuSyat-vidIrNa-paGkAH ca hRdayaiH sphuTitaiH iva/
jala-AzayA dadRzire gharma-lupta-ambu-saMpadaH/
|k13|t20|z32
cIrI-cIt-kAra-mukharAH tApa-mlAna-dala-adharAH/
madhu-zrI-virahAt mArgeSu arudan iva pAda-pAH/
|k13|t20|z33
tasmin kAle arka-tApena viyogena kSudhA tRSA/
nitya-adhvanA ca saH klAntaH virUkSa-kSAma-dhUsaraH/
|k13|t20|z34
bhojana-arthi harisvAmI prApa grAmam kva-cit bhraman/
 padmanAbha-abhidhAnasya gRham viprasya sattriNaH/
|k13|t20|z35
tatra dRSTvA saH bhuJjAnAn viprAn abhyantare bahUn/
dvAra-zAkhAm samAlambya tasthau niH-zabda-niH-calaH/
|k13|t20|z36
tathA-sthitam tam Alokya sattriNaH tasya gehinI/
 padmanAbhasya saMjAta-dayA sAdhvI vyacintayat/
|k13|t20|z37
aho kSut nAma gurvI eSA na kuryAt kasya lAghavam/
yat evam ayam anna-arthI kaH api Aste dvAri adhaH-mukhaH/
|k13|t20|z38
dUra-adhva-abhyAgataH snAtaH tAvat kSINa-indriyaH kSudhA/
tat eSaH ca anna-dAnasya pAtram iti avadhArya sA/
|k13|t20|z39
parama-anna-bhRtam sAdhvI tasmai sa-ghRta-zarkaram/
pAtram utkSipya pANibhyAm AnIya prazritA dadau/
|k13|t20|z40
jagAda ca etam bhuGkSva etat gatvA vApI-taTe kva-cit/
idam sthAnam samucchiSTam bhuJjAnaiH brAhmanaiH vRtam/
|k13|t20|z41
tathA iti saH anna-pAtram tat gRhItvA na atidUrataH/
gatvA sthApitavAn vApyAH taTe vaTa-taroH adhaH/
|k13|t20|z42
prakSAlya pANi-pAdam ca vApyAm Acamya ca atra saH/
yAvat bhakSayitum tuSTaH parama-annam upaiti tat/
|k13|t20|z43
tAvat gRhItvA kRSNa-ahim caJcvA pAda-yugena ca/
zyenaH kutaH-cit Agatya tarau tasmin upAvizat/
|k13|t20|z44
tena tasya uhyamAnasya sarpasya Akramya pakSiNA/
utkrAnta-jIvitasya asyAt viSa-lAlA viniryayau/
|k13|t20|z45
sA tatra adhaH-sthite tasmin anna-pAtre apatat tadA/
tat ca adRSTvA harisvAmI saH etya annam abhuGkta tat/
|k13|t20|z46
kSudhA-artasya tadA tasya mRSTa-annam tat kSaNena tat/
kRtsnam bhuktavataH tIvrA prodabhUt viSa-vedanA/
|k13|t20|z47
aho vidhau viparyaste na viparyasyati iha kim/
yat viSI-bhUtam annam me sa-kSIra-ghRTa-zarkaram/
|k13|t20|z48
iti jalpan viSa-artaH saH harisvAmI pariskhalan/
gatvA tAm sattriNaH tasya viprasya uvAca gehinIm/
|k13|t20|z49
tvat-dattAt viSam annAt me jAtam tat viSa-mantriNam/
kam-cit mama Anaya kSipram brahma-hatyA anyathA asti te/
|k13|t20|z50
iti uktvA eva saH tAm sAdhvIm kim etat iti vihvalAm/
 harisvAmI parAvRtta-netraH prANaiH vyayujyata/
|k13|t20|z51
tataH sA tena niH-doSA api AtitheyI api sattriNA/
bhAryA niSkAsitA gehAt mithyA-Atithi-vadha-krudhA/
|k13|t20|z52
sA api utpanna-mRSA-vadyA su-zubhAt api karmaNaH/
jAta-avamAnA tapase sAdhvI tIrtham azizRiyat/
|k13|t20|z53
kasya vipra-vadhaH saH astu sarpa-zyena-anna-dezu iti/
tat abhUt dharma-rAja-agre vAdaH na AsIt tu niH-NayaH/
|k13|t20|z54
tat trivikramasena tvam rajan brUhi mama adhunA/
kasya sA brahma-hatyA iti pUrvaH zApaH saH te anyathA/
|k13|t20|z55
iti vetAlataH rAjA zrutvA zApa-niyantritaH/
saH trivikramasenaH tam mukta-maunaH abravIt idam/
|k13|t20|z56
tasya tat pAtakam tAvat sarpasya yadi vA asya kaH/
vivazasya aparAdhaH asti bhakSyamANasya zatruNA/
|k13|t20|z57
atha syenasya tena api kim duSTam kSudhita-AtmanA/
akasmAt prAptam AnIya bhakSyam bhakSayatA nijam/
|k13|t20|z58
daM-patyoH anna-dAtroH vA tayoH ekasya vA kutaH/
abhAvya-doSau dharma-eka-pravRttau tau ubhau yataH/
|k13|t20|z59
tat aham tasya manye sA brahma-hatyA jaDa-AtmanaH/
avicArya eva yaH brUyAt eSAm eka-tamasya tAm/
|k13|t20|z60
iti uktavataH asya nR-pasya aMsAt bhUyaH api agAt saH vetAlaH/
nija-padam eva nR-paH api saH punaH api dhIraH tam anvagAt eva/




|k14|t21|z1
saH trivikramasenaH atha gatvA tam ziMzapA-taroH/
bhUyaH api AsAdya vetAlam skandhe jagrAha bhU-patiH/
|k14|t21|z2
prasthitam ca tam urvI-Izam saH vetAlaH abhyadhAt punaH/
rAjan zrAntaH asi tat citrAm kathAm AkhyAmi te zRNu/
|k14|t21|z3
asti ayodhyA iti nagarI rAja-dhAnI babhUva yA/
 rakSaH-kula-kRta-antasya rAma-rUpasya zArGgiNaH/
|k14|t21|z4
tasyAm rAjA abhavat vIraketuH nAma rarakSa yaH/
kSoNIm imAm mahA-bAhuH prAkAraH nagarIm iva/
|k14|t21|z5
tasmin mahI-patau asyAm puryAm ekaH mahA-vaNik/
 ratnadatta-abhidhAnaH abhUt vaNik-nIvaha-nAyakaH/
|k14|t21|z6
 nandayantI-abhidhAnAyAm patnyAm tasya udapadyata/
sutA ratnavatI nAma devatA-ArAdhana-arjitA/
|k14|t21|z7
sA ca tasya pituH vezmani avardhata manasvinI/
rUpa-lAvaNya-vinayaiH saha eva saha-jaiH guNaiH/
|k14|t21|z8
yauvana-sthAm ca tAm tasmAt ratnadattAt na kevalam/
mahAntaH vaNijaH yAvat rAjAnaH api yayAcire/
|k14|t21|z9
sA tu pum-dveSiNI na aicchat bhartAram api vAsavam/
prANa-tyAga-udyatA sehe na vivAha-kathAm api/
|k14|t21|z10
tena tasyAH pitA tUSNIm tasthau vAtsalya-duH-sthitaH/
saH ca pravAdaH ayodyAyAm tasyAm sarvatra paprathe/
|k14|t21|z11
atra antare sadA cauraiH muSyamANAH kila AkhilAH/
saMbhUya atra nR-pam paurAH vIraketum vyajijJapan/
|k14|t21|z12
nityam muSyAmahe cauraiH rAtrau rAtrau iha prabho/
lakSyante te ca na asmAbhiH tat devaH vettu yat param/
|k14|t21|z13
iti pauraiH saH vijJaptaH rAjA tAm abhitaH purIm/
taskara-anveSaNe channAn Adizat ratri-rakSakAn/
|k14|t21|z14
te api prApuH na yat caurAn purI sA amuSyata eva ca/
tadA ekadA svayam rAjA nizi svairam viniryayau/
|k14|t21|z15
ekAkI ca Atta-zastraH atra bhraman saH apazyat ekataH/
ekam prAkAra-pRSTena yAntam kam api pUruSam/
|k14|t21|z16
niH-zabda-pada-vinyAsa-vicitra-gati-kauzalam/
sa-zaGka-lola-nayanam pazyantam pRSTataH muhuH/
|k14|t21|z17
ayam saH nUnam cauraH me muSNAti eka-caraH purIm/
iti matvA eva nikaTam saH tasya upayayau nR-paH/
|k14|t21|z18
tataH saH cauraH dRSTvA tam nR-pam kaH asi iti abhASata/
cauraH aham iti rAjA tam cauram pratyabravIt saH tam/
|k14|t21|z19
saH atha cauraH abhyadhAt dRSTvA tarhi tulyaH asi me su-hRt/
tat ehi mat-gRham tAvat mitra-AcAram karomi te/
|k14|t21|z20
tat zrutvA saH tathA iti uktvA tena eva saha bhU-patiH/
yayau vana-antaH-dharaNI-khAta-antaH-varti tat-gRham/
|k14|t21|z21
azeSa-bhoga-bhoga-ADhyam bhAsvat-dIpa-prakAzitam/
navInam iva pAtAlam bali-rAja-anadhiSThitam/
|k14|t21|z22
tatra praviSTe tasmin ca kRta-Asana-parigrahe/
rAjJi saH abhyantara-gRham praviveza atha taskaraH/
|k14|t21|z23
tat kSaNam ca tam etya ekA dAsI tatra avadat nR-pam/
mahA-bhAga praviSTaH tvam iha mRtyu-mukhe katham/
|k14|t21|z24
eka-cauraH hi asau pApam niH-gatya ataH kariSyati/
dhruvam visvAsa-ghAtI iti tat itaH tvaritam vraja/
|k14|t21|z25
iti uktaH saH tayA rAjA niH-gatya eva tataH drutam/
gatvA sva-rAja-dhAnIm ca nizi sainyAni asajjayat/
|k14|t21|z26
saMnaddha-sainyaH ca Agatya dasyoH tasya rurodha tat/
bhU-gRha-dvAra-vivaram rasat-tUrya-a-kulaiH balaiH/
|k14|t21|z27
tataH ruddhe gRhe vRttam pratibhedam avetya saH/
maraNe niH-citaH cauraH zUraH yuddhAya niryayau/
|k14|t21|z28
niH-gataH ca raNe cakre parAkramam a-mAnuSam/
karAn cakarta kariNAm jaGghAH ciccheda vAjinAm/
|k14|t21|z29
jahAra ca zirAMsi ekaH bhaTAnAm khaDga-carma-bhRt/
tataH tam kSapita-anIkam abhyadhAvat svayam nR-paH/
|k14|t21|z30
saH tasya khaDga-vidyA-jJaH rAjA karaNa-yuktitaH/
hastAt jahAra niH-triMzam atha tAm kSurikAm api/
|k14|t21|z31
a-zastram mukta-zastraH atha bAhu-yuddhena tam nR-paH/
cauram nihatya dharaNau sa-jIva-grAham agrahIt/
|k14|t21|z32
ninAya tam ca saMyamya sa-dhanam nagarIm nijAm/
prAtaH ca ajJApayat tasya zUla-AropaNa-nigraham/
|k14|t21|z33
nIyamAnam ca tam vadhya-bhUmim cauram sa-DiNDimam/
dadarza sA ratnavatI vaNik-kanyA atra harmyataH/
|k14|t21|z34
vraNitam dhUli-lipta-aGgam api etam mAra-mohitA/
dRSTvA eva gatvA pitaram ratnadattam uvAca sA/
|k14|t21|z35
vadhAya nIyate yaH ayam eSa bhartA vRtaH mayA/
tat nR-pAt rakSa tAta enam na cet enam anu mriye/
|k14|t21|z36
tat zrutvA tAm pitA avAdIt kim idam putri bhASase/
yA tvam na icchasi bhU-pAlAm api bhartqn abhIpsataH/
|k14|t21|z37
sA pApam taskaram imam vAJchasi Apad-gatam katham/
iti Adi pitrA proktA api niH-cayAt na cacAla sA/
|k14|t21|z38
tataH saH tat-pitA gatvA tasya caurasya sa-tvaram/
sarva-svena api rAjAnam vadhAn mokSam ayAcata/
|k14|t21|z39
rAjA tu tam na tatyAja hema-koTi-zataiH api/
sva-zarIra-paNa-AnItam cauram sarva-apahAriNam/
|k14|t21|z40
tataH pitari upAyAte vimukhe sA vaNik-sutA/
anumartum kRta-snAnA vAryamANA api bandhubhiH/
|k14|t21|z41
Aruhya zibikAm tasya dasyoH vadhya-bhuvam yayau/
anvIyamAnA rudatA pitrA mAtrA janena ca/
|k14|t21|z42
tAvat ca vadhakaiH saH atra cauraH zUle adhiropitaH/
tAm dadarza galat-prANaH tathA sa-jJAtim AgatAm/
|k14|t21|z43
janAt zrutvA ca vRttAntam azru muktvA kSaNam tataH/
hasan saH cauraH kim api prANAn zUla-gataH jahau/
|k14|t21|z44
tataH avatAritam zUlAt sA tat-caura-kalevaram/
AdAya ca Aruroha atra citAm sAdhvI vaNik-sutA/
|k14|t21|z45
tat kSaNam ca zmazAne atra bhairavaH kRta-saMnidhiH/
a-dRzyaH bhagavAn evam tAm uvAca antarikSataH/
|k14|t21|z46
asmin svayam-vara-patau evam bhaktyA tava anayA/
tuSTaH asmi tat varam mattaH prArthayasva pati-vrate/
|k14|t21|z47
tat zrutvA eva varam devAt evam vavre praNamya sA/
 nAtha putra-zatam bhUyAt a-putrasya api mat-pituH/
|k14|t21|z48
yena an-anya-sutaH na eSaH prANAn jahyAt mayA vinA/
iti proktavatIm enAm sAdhvIm devaH abravIt punaH/
|k14|t21|z49
pituH putra-zatam te astu varam anyam vRNISva ca/
tvAdRzI dRDha-sattvA hi na etAvat-mAtram arhati/
|k14|t21|z50
tat AkarNya atha sA avAdIt prasannaH mayi cet prabhuH/
tat jIvatu eSaH bhartA me dhArmikaH ca sadA astu iti/
|k14|t21|z51
evam astu a-kSataH jIvan uttiSThatu eSaH te patiH/
dhArmikaH ca astu rAjAsya vIraketuH ca tuSyatu/
|k14|t21|z52
iti uktavati an-AlakSya-mUrtau zarve nabhaH-sthite/
uttasthau a-kSata-aGgaH atra cauraH jIvan tadA eva saH/
|k14|t21|z53
tataH vismita-hRSTaH san ratnadattaH sutAm vaNik/
AdAya tAm ratnavatIm cauram jAmAtaram ca tam/
|k14|t21|z54
prahRSTaiH bAndhavaiH sAkam pravizya nija-mandiram/
labdha-putra-varaH cakre sva-Ananda-ucitam utsavam/
|k14|t21|z55
jJAta-vRttAnta-tuSTaH ca tadA eva AnAyya tam nR-paH/
eka-vIram vIraketuH cauram senA-patim vyadhAt/
|k14|t21|z56
cauryAt nivRttaH atha saH tAm pariNIya vaNik-sutAm/
eka-vIraH sukham tasthau mArga-sthaH rAja-saMmataH/
|k14|t21|z57
iti kathayitvA saH kathAm vetAlaH datta-pUrva-zApa-bhayam/
aMsa-sthitaH trivikramasenam papraccha tam kSiti-pam/
|k14|t21|z58
rAjan brUhi sa-pitRkAm upasthitAm tAm vaNik-sutAm dRSTvA/
caureNa zUla-pRSTe ruditam hasitam ca kim tena/
|k14|t21|z59
atha rAjA pratyavadat ruditam caureNa duHkhataH tena/
na asya an-RNyam a-kAraNa-bandhoH yAtaH asmi vaNijaH iti/
|k14|t21|z60
AzcaryataH ca hasitam kim iyam kanyA nR-pAn varAn hitvA/
mayi asmin anuraktA strI-cittam aho vicitram iti/
|k14|t21|z61
iti ukta-vAkyasya mahI-bhRtaH aMsAt mAyI sva-zaktya eva tadA jagAma/
svam dhAma vetAla-varaH saH rAjA api etam punaH pUrvavat anvagacchat/




|k15|t22|z1
tataH gatvA punaH prApya vetAlam ziMzapA-taroH/
saH trivikramasenaH tam AdAya udacalat punaH/
|k15|t22|z2
AyAntam tam ca rAjAnam saH vetAlaH aMsa-pRSTha-gaH/
jagAda bhUyaH api etAm te rAjan vacmi kathAm zRNu/
|k15|t22|z3
abhUt nepAla-viSaye nAmnA zivapuram puram/
yathA-artha-nAmA tatra AsIt yazaHketuH purA nR-paH/
|k15|t22|z4
saH mantriNi nyasya bharam prajJAsAgara-saMjJake/
 candraprabhA-AkhyayA devyA sArdham bhogAn asevata/
|k15|t22|z5
kAlena tasyAm devyAm ca tasya AjAyata kanyakA/
rAjJaH zaziprabhA nAma jagat-netra-zazi-prabhA/
|k15|t22|z6
krameNa yauvana-sthA sA madhu-mAse kadA-cana/
yayau yAtrA-utsavam draSTum udyAnam sa-paricchadA/
|k15|t22|z7
tatra eka-deze apazyat tAm kusuma-avacaya-udyatAm/
utkSipta-bAhu-latikA-lakSita-eka-payaH-dharAm/
|k15|t22|z8
prasUna-vRnta-vigalat-saMdaMza-kara-zobhinIm/
ADhya-putraH manaHsvAmI nAma yAtrA-AgataH dvi-jaH/
|k15|t22|z9
saH tayA dRSTayA sadyaH hRtasya manasaH yuvA/
 manaHsvAmI api na eva abhUt svAmI madana-mohitaH/
|k15|t22|z10
mArgaNAnAm kRte kim svit ratiH eSA manaH-bhuvaH/
vasanta-saMbhRtAni iha puSpANi uccinute svayam/
|k15|t22|z11
kim vA arcayitu-kAmA iyam mAdhavam vana-devatA/
iti saMcintayantam tam sA api apazyat nR-pa-Atma-jA/
|k15|t22|z12
dRSTa-mAtre ca sA tasmin sa-aGge nave iva smare/
na puSpANi na ca aGgAni sa-utkA na AtmAnam asmarat/
|k15|t22|z13
iti anyaH-anya-nava-prema-sa-rasau yAvat atra tau/
tiSThataH tAvat udabhUt hA hA hA iti mahA-ravaH/
|k15|t22|z14
kim etat iti ca utkSipta-kam-dharam pazyatoH tayoH/
AyAt atra upalabdha-anya-gaja-gandha-utthayA ruSA/
|k15|t22|z15
bhagna-AlAnaH vinirgatya mattaH mArga-drumAn rujan/
patita-AdhoranaH dhAvan lambamAna-aGkuzaH karI/
|k15|t22|z16
tataH parijane trasta-vidrute tAm sa-saMbhramam/
rAja-putrIm pradhAvya eva dorbhyAm utkSipya ca ekakAm/
|k15|t22|z17
aGgaiH kim-cit kRta-AzleSAm bhaya-prema-trapA-AkulAm/
ninAya saH manaHsvAmI su-dUram gaja-gocarAt/
|k15|t22|z18
atha AgataiH parijanaiH stuvadbhiH tam dvi-ja-uttamam/
muhuH vivRtya pazyantI sA ninye nija-mandiram/
|k15|t22|z19
tatra tasthau tam eva ArtA smarantI prANa-dAyinam/
smara-agni-puTa-pAkena pacyamAnA divA-nizam/
|k15|t22|z20
saH api udyAnAt manaHsvAmI tadA tasmAt anuvrajan/
sva-antaH-pura-praviSTAm tAm dRSTvA sa-utkaH vyacintayat/
|k15|t22|z21
na etAm vinA adhunA sthAtum jIvitum vA aham utsahe/
tat me zrI- mUladevaH atra dhUrthaH siddhaH guruH gatiH/
|k15|t22|z22
iti saMcintya katham api asmin avasite dine/
prataH yayau guroH tasya mUladevasya saH antikam/
|k15|t22|z23
dadarza tam ca mitreNa zazinA nitya saMgatam/
siddha-mAyA-adbhuta-patham sa-zarIram iva ambaram/
|k15|t22|z24
nyavedayat ca tat tasmai praNamya sva-manISitam/
saH api sAdhayitum tasya pratipede vihasya tat/
|k15|t22|z25
tataH saH yoga-gulikAm kSiptvA dhUrta-patiH mukhe/
 mUladevaH vyadhAt vRddha-brAhmaNa-AkRtim AtmanaH/
|k15|t22|z26
dvitIyAm gulikAm dattvA mukha-kSepyAm cakAra ca/
su-kAnta-kanyakA-rUpam tam manaHsvAminam dvi-jam/
|k15|t22|z27
tat-rUpam tam samAdAya gatvA dhUrta-adhipaH atha saH/
tat-priyA-janakam bhU-pam AsthAne tam vyajijJapat/
|k15|t22|z28
rAjan ekaH asti me putraH kanyA dUrAt ca tat-kRte/
mayA eSA yAcitA AnItA saH ca kva api gataH adhunA/
|k15|t22|z29
tam anveSTum aham yAmi tat eSA rakSyatAm tvayA/
AnayAmi sutam yAvat tvam hi vizvasya rakSitA/
|k15|t22|z30
tat zrutvA zApa-bhItyA ca pratipadya saH bhU-patiH/
sutAm AnAyayAmAsa yazaHketuH zaziprabhAm/
|k15|t22|z31
jagAda ca etAm putrI imAm kanyAm rakSeH sva-mandire/
sva-pArzve eva ca AhAram zayyAm ca asyAH prakalpayeH/
|k15|t22|z32
iti pitrA uktayA ninye kanyA-rUpaH tathA iti saH/
antaH-puram manaHsvAmI rAja-putryA tayA nijam/
|k15|t22|z33
yathA-ruci tataH yAte muladeve dvi-ja-AkRtau/
kanyA-rUpaH saH tatra AsIt manaHsvAmI priyA-antike/
|k15|t22|z34
dinaiH ca tAm sakhI-prIti-visrambham samyak-AgatAm/
ekadA viraha-kSAmAm zayanIya-luThat-tanum/
|k15|t22|z35
rAtrau rahaH rAja-sutAm Asanna-zayana-sthitaH/
kanyA-rUpa-praticchannaH manaHsvAmI saH pRSTavAn/
|k15|t22|z36
sakhi kim pANDura-chAyA kSIyamANA dine dine/
kAnta-pakSa-viyuktA iva duHkhitA asi zaziprabhe/
|k15|t22|z37
brUhi me kaH hi a-vizvAsaH snigdha-mugdhe sakhi-jane/
idAnIm na eva bhokSye aham na vadiSyasi cet mama/
|k15|t22|z38
tat zrutvA sA viniHzvasya zanaiH rAja-sutA abravIt/
kim me tvayi api a-vizvAsaH zRNu tat sakhi vacmi te/
|k15|t22|z39
ekadA aham madhu-udyAna-yAtrAm draSTum gatA abhavam/
tatra apazyam ca su-bhagam kam-cit brAhmaNa-putrakam/
|k15|t22|z40
hima-mukta-indu-sa-zrIkam darzana-uddIpita-smaram/
madhu-mAsam iva Aloka-krIDa-alaMkRta-kAnanam/
|k15|t22|z41
cakorAyitum ete ca pravRtte yAvat unmukhe/
tat-mukha-indu-dyuti-sudhA-pAyinI me vilocane/
|k15|t22|z42
tAvat sravan-mada-jalaH tatra akasmAt niH-argalaH/
a-kAla-kAla-megha-AbhaH garjan AgAt mahA-gajaH/
|k15|t22|z43
tat-saMbhramAt parijane naSTe aham bhaya-vihvalA/
utkSipya vipra-putreNa nItA tena eva dUrataH/
|k15|t22|z44
zrI-khaNDena anuliptA iva siktA iva sudhayA tathA/
aham tat-aGga-sparzena na jAne kAm dazAm agAm/
|k15|t22|z45
kSanAt ca parivAreNa militena a-vazA tataH/
iha AnItA asmi nikSiptA svargAt iva bhuvaH tale/
|k15|t22|z46
tadA-prabhRti saMkalpaiH taiH taiH kalpita-saMgamam/
pazyAmi tam prabuddhA api pArzva-stham prANa-dam patim/
|k15|t22|z47
suptA svapne ca kurvANam cATUni AlokayAmi tam/
tyAjayantam haThAt lajjAm cumbana-AliGgana-AdhibhiH/
|k15|t22|z48
na ca prApnomi abhavyA tat-nAma-Adi-ajJAna-mohitA/
tat evam mAm dahati eSaH prANa-Iza-viraha-analaH/
|k15|t22|z49
iti vAk-sudhayA tasyAH pUrNa-sva-zravaNa-udaraH/
sa-AnandaH saH manaHsvAmI vipra-kanyA-vapuH-dharaH/
|k15|t22|z50
kRta-artha-mAnI matvA tam kAlam Atma-prakAzane/
sva-rUpam prakaTI-cakre niSkRSya gulikAm mukhAt/
|k15|t22|z51
jagAda ca vilola-akSi saH aham eva eSaH yaH tvayA/
udyAne darzana-krItaH nItaH niH-vyAja-dAsatAm/
|k15|t22|z52
tvat saMstava-kSaNa-bhraMzAt klezam tam ca AptavAn aham/
yasya eSaH pariNAmaH me kanyA-rUpa-grahaH abhavat/
|k15|t22|z53
tasmAt saphalaya etAm me visoDhAm viraha-vyathAm/
AtmanaH ca na tanu-aGgi kSamate ataH param smaraH/
|k15|t22|z54
evam vadantam sahasA prANa-Izam tam vilokya sA/
AsIt rAja-sutA kSipram sneha-Azcarya-trapA-AkulA/
|k15|t22|z55
atha atyautsukya-nirvRtta-gAndharva-udvAhayoH tayoH/
premNaH tasya mataH yAdRk tAdRzaH abhUt rata-utsavaH/
|k15|t22|z56
tataH saH atra manaHsvAmI kRtI tasthau dvi-rUpa-bhRt/
divA sa-gulikAH kanyA rAtrau a-gulikAH pumAn/
|k15|t22|z57
gateSu atha dineSu atra yazaHketoH mahI-pateH/
 mRgAGkadatta-saMjJena svazuryeNa nijA sutA/
|k15|t22|z58
dattA mRgAGkavatI-AkhyA mahA-arha-vibhava-uttarA/
dvi-jAtaye mahA-mantri- prajJAsAgara-sUnave/
|k15|t22|z59
tasmin mAtula-putryAH sA rAja-putrI zaziprabhA/
vivAhe mAtula-gRham tat jagAma nimantritA/
|k15|t22|z60
tayA saha yayau saH api kanyakA-parivArayA/
vipra-putraH manaHsvAmI kAnta-kanyA-sva-rUpa-dhRt/
|k15|t22|z61
tatra tam kanyakA-rUpa-dharam mantri-sutaH atha saH/
dRSTvA kila smara-vyAdha-gADha-bANa-AhataH abhavat/
|k15|t22|z62
tataH muSita-cittaH san tayA kapaTa-kanyayA/
yayau mantri-sutaH zUnyam sva-gRham sva-vadhU-sakhaH/
|k15|t22|z63
tatra tat-mukha-lAvanya-dhyAna-AsaktaH jagAma saH/
tIvra-rAga-mahA-vyAla-daSTaH moham a-zaGkitam/
|k15|t22|z64
kim etat iti saMbhrAnte jane tatra utsava-ujjhite/
tam upAgAt drutam buddhvA saH prajJAsAgaraH pitA/
|k15|t22|z65
tena ca AzvAsyamAnaH api pitrA mohAt prabudhya saH/
pralapan iva sa-unmAdam ujjagAra manaH-gatam/
|k15|t22|z66
a-sva-adhInam ca tam matvA tat pitari ativihvale/
tasmin rAjA api tat buddhvA tatra eva samupAyayau/
|k15|t22|z67
saH tam dRSTvA jhaTiti eva gADha-abhiSvaGgataH gatam/
saptamIm madana-avasthAm jagAda prakRtIH nR-paH/
|k15|t22|z68
katham brAhmaNa-nikSepaH kanyA sA asmai pradIyate/
tayA vinA ca niyatam pazcimAm eti asau dazAm/
|k15|t22|z69
asmin naSTe pitA asya eSaH mama mantrI vinaGkSyati/
etat-nAze rAjya-nAzaH tat iha brUta kA gatiH/
|k15|t22|z70
iti uktAH tena rAjJA tAH sarvAH prakRtayaH abruvan/
rAjJaH dharmam nijam prAhuH prajAnAm dharma-rakSaNam/
|k15|t22|z71
mUlam tasya viduH mantram saH ca mantriSu avasthitaH/
mantri-nAze mUla-nAzAt rakSyA dharma-kSatiH dhruvam/
|k15|t22|z72
pApam ca syAt dvi-jasya asya sa-sUnoH mantriNaH vadhAt/
tasmAt rakSyaH ayam AsannaH a-vazyam te dharma-viplavaH/
|k15|t22|z73
dAtavyA mantri-putrAya vipra-nyastA kumArikA/
kAla-antara-Agate vipre kruddhe pratividhAsyate/
|k15|t22|z74
evam uktaH prakRtibhiH tathA iti pratyapadyata/
saH rAjA mantri-putrAya dAtum tAm kUTa-kanyakAm/
|k15|t22|z75
AnItaH ca saH nizcitya lagnam rAja-sUtA-gRhAt/
kanyA-rUpaH manaHsvAmI tam jagAda mahI-patim/
|k15|t22|z76
anyena anya-artham AnItAm anyasmai mAm dadAsi cet/
kAmam tat astu rAjA tvam dharma-adharmau tava adya tau/
|k15|t22|z77
aham vivAham icchAmi samayena IdRzena tu/
eka-zayyAm na netavyA patyA tAvat aham haThAt/
|k15|t22|z78
yAvat tIrthAni SaT-mAsAn paribhramya saH na AgataH/
evam na cet kRtta-jihvAm dantaiH jAnIhi mAm mRtAm/
|k15|t22|z79
iti ukte samaye tena yUnA kanyA-vapuH-bhRtA/
rAjJA saH bodhitaH prApa niH-vRttim mantri-putrakaH/
|k15|t22|z80
tathA iti pratipadya etat kRtvA udvAham kila Azu tam/
ekasmin sthApayitvA ca vAsake te su-rakSite/
|k15|t22|z81
tAm mRgAGkavatIm AdyAm vadhUm kUTa-vadhUm ca tAm/
jagAma tIrtha-yAtrAyai mUDaH kAntA-priyA-icchayA/
|k15|t22|z82
saH ca uvAsa manaHsvAmI strI-rUpaH atra tayA saha/
 mRgAGkavatI-eka-gRhe samAna-zayana-AsanaH/
|k15|t22|z83
tathA sthitam kadA-cit tam sA mRgAGkavatI nizi/
zayyA-gRhe rahaH avAdIt bahiH-supte paricchade/
|k15|t22|z84
kathAm kAm-cit tvam AkhyAhi nidrA na asti hi me sakhi/
tat zrutvA akathayat saH asyai strI-rUpaH tAm kathAm yuvA/
|k15|t22|z85
yatra ilA-Akhyasya rAja-RSeH sUrya-vaMza-bhuvaH purA/
prAptasya gaurI-zApena srtItvam vizva-eka-mohanam/
|k15|t22|z86
anyonya-darzana-prItyA deva-udyAna-vana-antare/
abhUt budhena saMyogaH samabhUt ca purUravAH/
|k15|t22|z87
tAm kathAm kathayitvA ca dhUrtaH punaH uvAca saH/
tat evam devatA-AdezAn mantra-auSadha-vazena vA/
|k15|t22|z88
puruSaH strI kadA-cit syAt strI vA jAtu pumAn bhavet/
bhavanti ca evam saMyogAH kAma-jA mahatAm api/
|k15|t22|z89
zrutvA etat taruNI mugdhA vivAha-proSita-anukA/
sA mRgAGkavatI sma Aha vizvastA saha-vAsataH/
|k15|t22|z90
zrutvA etAm me kathAm etat aGgam simisimAyate/
hRdayam sIdati iva idam tat etat sakhi kim vada/
|k15|t22|z91
tat zrutvA saH aGganA-rUpaH vipraH punaH uvAca tAm/
etAni kAma-cihnAni nanu a-pUrvANi te sakhi/
|k15|t22|z92
mayA etAni anubhUtAni nigUhe na hi aham tava/
iti tena uditA avAdIt sA mRgAGkavatI zanaiH/
|k15|t22|z93
sakhi prANa-samA tvam me tat kAla-jJA na vacmi kim/
api puMsaH pravezaH syAt upAyena hi kena-cit/
|k15|t22|z94
evam uktavatIm etAm saH ca labdha-AzayaH tadA/
prAha dhUrta-pateH ziSyaH yadi evam tat vadAmi te/
|k15|t22|z95
 vaiSNavaH asti prasAdaH me yena aham sva-icchayA nizi/
puruSaH syAm tat eSaH adya bhavAmi tvat-kRte pumAn/
|k15|t22|z96
iti uktvA saH manaHsvAmI niSkRSya gulikAm mukhAt/
yauvana-uddAmam AtmAnam tasyai kAntam adarzayat/
|k15|t22|z97
tataH kathita-visrambhaH sarva-sva-gata-yantraNaH/
kAla-ucita-rasaH kaH api tayoH AsIt rata-utsavaH/
|k15|t22|z98
atha tatra tayA sAkam saH mantri-suta-bhAryayA/
tasthau dvi-jaH divA nArI rAtrau ca puruSaH bhavan/
|k15|t22|z99
Asanna Agamanam tam ca buddhvA mantri-sutam dinaiH/
tAm AdAya nizi svairam palAyya saH yayau tataH/
|k15|t22|z100
etasmin ca kathA-saMdhau mUladevaH saH tat-guruH/
buddhvA tat akhilam bhUtvA bhUyaH vRddha-dvi-ja-AkRtiH/
|k15|t22|z101
 zazinA anugataH sakhyA taruNa-dvi-ja-rUpiNA/
Agatya tam yazaHketum prahvaH rAjAnam abravIt/
|k15|t22|z102
AnItaH ayam mayA putraH dehi me tAm snuSAm iti/
tataH saMmantrya saH nR-paH zApa-bhItaH tam abhyadhAt/
|k15|t22|z103
brahman na jAne kva gatA sA snuSA te kSamasva tat/
aparAdhAt sutasya arthe dadAmi sva-sutAm tava/
|k15|t22|z104
iti uktvA dhUrta-rAjam tam kRtaka-krodha-niSThuram/
vibruvANam jarat-vipra-rUpam prArthya saH bhU-patiH/
|k15|t22|z105
tat-sakhye kRta-tat-putra-vyapadezAya tAm dadau/
tanayAm zazine tasmai yathA-vidhi zaziprabhAm/
|k15|t22|z106
tataH saH mUladevaH tau yathA-bhUtau vadhU-varau/
AdAya sva-Aspadam prAyAt rAja-artheSu a-kRta-spRhaH/
|k15|t22|z107
tatra tasmin ca milite manaHsvAmIni abhUt mahAn/
vivAdaH mUladeva-agre zazinaH tasya ca ubhayoH/
|k15|t22|z108
 manaHsvAmI abravIt eSA dIyatAm me zaziprabhA/
kanyA eva hi mayA udUDA prAk asau guru-anugrahAt/
|k15|t22|z109
 zazI jagAda kaH asyAH tvam mUrkha dArA iyam mama/
agni-sAkSikam eSA hi pitrA me pratipAditA/
|k15|t22|z110
evam mAyA-bala-prApta-rAja-putrI-nimittataH/
vivAda-AsaktayoH na AsIt paricchedaH tayoH dvayoH/
|k15|t22|z111
tat rAjan tvam mama brUhi tAvat kasya upapadyate/
bhAryA sA saMzayam chindhi pUrva-uktaH samayaH asti te/
|k15|t22|z112
iti vetAlataH zrutvA tasmAt skandha-agra-vartinaH
saH trivikramasenaH tam nR-patiH pratyabhASata/
|k15|t22|z113
manye zazinaH eva asau bhAryA nyAyyA nR-pAtma-jA/
yasmai pradattA prakaTam pitrA dharmyeNa vartmanA/
|k15|t22|z114
 manaHsvAmI tu tAm bheje cauryAt gAndharva-dharmataH/
caurasya tu para-sveSu svatvam nyAyyam na jAtu cit/
|k15|t22|z115
iti tasya vacaH nizamya rAjJaH vetAlaH saH yayau punaH tat eva/
sahasA eva tat aMsataH sva-dhAma kSiti-paH saH api tam anviyAya tUrNam/